У Сінгапуры днямі адбылося незвычайнае вяселле, дзе ежа, большасць дэкарацый і нават букет нявесты былі ў выглядзе курачкі з KFC. 32-гадовая Лэйн Ле Вон пабралася шлюбам з 40-гадовым Се Пенам. Абое вялікія фанаты міжнароднай сеткі фастфуду. Нават першае спатканне будучых сужэнцаў прайшло ў KFC.
Калі пара вырашыла зрабіць вяселле ў стылі KFC, Ле Вон напісала пра гэта ў сваім фэйсбуку. Дзяўчына не хавае, што спадзявалася атрымаць які-небудзь сувенір ад кампаніі з гэтай нагоды. Але калі ў KFC даведаліся пра інваліднасць дзяўчыны, мясцовы менеджар вырашыў зрабіць нешта большае.
У выніку кампанія аплаціла рахунак за палову вясельных страў і падарыла маладым упрыгожванні ў выглядзе бургера і знакамітых курыных ножак.
Цяпер чытаюць
У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі25
Каментары