У новым сезоне Лігі Нацый Беларусь патрапіла ў Лігу C без патрэбы гуляць за выжыванне
2 снежня выканаўчы камітэт Саюза еўрапейскіх футбольных асацыяцый (УЕФА) зацвердзіў працэдуру лёсавання Лігі Нацый-2024/25, якая пройдзе 8 лютага будучага года ў Парыжы і пачнецца ў 20:00 па беларускім часе.
У лёсаванні прымуць удзел 54, а не 55 сяброў УЕФА. Расійскія клубы і зборныя па футболе адхіленыя ад удзелу ў міжнародных турнірах пад эгідай ФІФА і УЕФА з лютага 2022 года, і ніякіх падстаў для таго, каб іх рэабілітаваць, за гэты час не з'явілася.
Усе зборныя размеркаваныя па чатырох лігах і адпаведных кошыках.
Ліга A
Кошык 1. Іспанія, Харватыя, Італія, Нідэрланды
Кошык 2. Данія, Партугалія, Бельгія, Венгрыя
Кошык 3. Швейцарыя, Германія, Польшча, Францыя
Кошык 4. Ізраіль, Боснія, Сербія, Шатландыя
Ліга B
Кошык 1. Аўстрыя, Чэхія, Англія, Уэльс
Кошык 2. Фінляндыя, Украіна, Ісландыя, Нарвегія
Кошык 3. Славенія, Ірландыя, Албанія, Чарнагорыя
Кошык 4. Грузія, Грэцыя, Турцыя, Казахстан
Ліга C
Кошык 1. Румынія, Швецыя, Арменія, Люксембург
Кошык 2. Азербайджан, Косава, Балгарыя, Фарэры
Кошык 3. Паўночная Македонія, Славакія, Паўночная Ірландыя, Кіпр
Кошык 4. Беларусь, Літва (або Гібралтар), Эстонія, Латвія
Ліга D
Кошык 1. Гібралтар (або Літва), Малдова
Кошык 2. Мальта, Андора, Сан-Марына, Ліхтэнштэйн
У гэтым годзе зборная Расіі правяла восем таварыскіх матчаў, у трох з якіх атрымала перамогі.
Нагадаем, што зборныя Беларусі і Літвы, як каманды, што занялі ў мінулым сезоне Лігі нацый у сваіх групах дывізіёна C апошнія месцы, меліся сустрэцца паміж сабой у сакавіку, каб вызначыць, хто захавае месца ў дывізіёне С, а хто апусціцца ў D (другую пару каманд меліся скласці Кіпр і Гібралтар).
Аднак літоўцы заявілі, што не хочуць гуляць са зборнай Беларусі, як памагатай Расіі ў вайне супраць Украіны.
Таму сёння УЕФА было вырашана, што Беларусь і Кіпр, як дзве найлепшыя дружыны, што фінішавалі чацвёртымі ў сваіх групах у мінулым годзе ў дывізіёне С, у ім і застануцца, а за выжыванне будуць змагацца Літва і Гібралтар.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў86
Каментары