Мінздароўя адкрыла гарачую лінію па пытаннях дарагога лячэння зубоў
Рашэнне звязана з усталяваннем лімітавай цэны на стаматалагічныя паслугі.
У Беларусі будуць прымаць скаргі на завышаны кошт лячэння зубоў.
Тэлефон 8 (017) 379 25 41 вядзе ва ўніверсітэцкую стаматалагічную клініку, дзе і прымуць заяўку. Звярнуцца туды можна з 9:00 да 17:30.
Ведамства не ўказала, як доўга будзе актыўная паслуга. Магчыма, яна стане пастаяннай, прагназуе tochka.by.
Гэта рашэнне звязана з пастановай №170, якое ўступіла ў сілу 13 снежня.
У ім істотна пашыраны спіс паслуг стаматалагічных клінік і кабінетаў, для якіх дзейнічае дзяржрэгуляванне коштаў.
Пры гэтым па шэрагу пазіцый цэны знізяцца амаль на 50%.
Такога рэзкага падзення кошту дзяржава плануе дасягнуць з дапамогай рэгулявання нормаў на расходнікі.
Па задумцы, гэта павінна выключыць неабгрунтаванае завышэнне выніковай цаны на платныя паслугі. А яшчэ прынята рашэнне паменшыць час на кожную маніпуляцыю стаматолага: па многіх пазіцыях у два разы, у некаторых выпадках — у тры-пяць разоў.
У Міністэрстве аховы здароўя прыйшлі да высновы: калі паменшыць час на правядзенне маніпуляцый, працоўныя і часовыя затраты на паслугі знізяцца на 10-30%. Значыць, кошты таксама павінны знізіцца.
Цяпер чытаюць
«Нейкая Ліза, якой 20 гадоў, судзіцца з Лукашэнкам» — вялікая гутарка з новай віцэ-спікеркай КР Лізаветай Пракопчык10
Каментары