«Рэгуляванне ў цэнаўтварэнні — гэта пытанне справядлівасці», — заявіў ён на нарадзе па пытаннях кантролю за цэнамі.
«Я хачу, каб вы разумелі, што адступлення ні налева, ні направа ад гэтай праблемы не будзе. Гэта пытанне маральнае, палітычнае, стратэгічнае. Як хочаце называйце. Але галоўнае — гэта пытанне справядлівасці», — сказаў Лукашэнка.
Падчас нарады ён заявіў, што ў Беларусі з 1 студзеня павінна быць выразная, зразумелая сістэма рэгулявання цэн.
«Мэта адна, пра што я папярэджваў урад, — ніякія вытворцы, бізнэсмены, гандаль і іншыя, хто займаецца паслугамі, не павінны бегаць у МАРГ (Міністэрства антыманапольнага развіцця і гандлю), у міністэрствы або ва ўрад. Яны не павінны туды бегаць узгадняць цэны», — заявіў ён.
Лукашэнка рэгулярна праводзіць нарады, прысвечаныя пытанням цэнарэгулявання, дзе пазіцыянуе сябе як абаронца людзей ад хцівых гандляроў і вытворцаў.
Цяпер чытаюць
Бабарыка: Калі б мы перамаглі — вайны ва Украіне не было б20
Каментары