Грамадства11

Чаму ў Расіі няма сваёй Ціханоўскай?

Лідарка дэмакратычных сілаў Беларусі Святлана Ціханоўская ў новым выпуску ТОКу патлумачыла, чаму ў Расіі няма сваёй Ціханоўскай і распавяла пра кантакты з расійскай апазіцыяй.

Святлана Ціханоўская Svetlana Tikhanovskaya Светлана Тіхановская
Святлана Ціханоўская. Скрын відэа: TOK_talk / YouTube

Святлана Ціханоўская лічыць, што з'яўленне ў апазіцыі свайго лідара сведчыць пра сталасць нацыі:

«Чаму ў Беларусі не было Святланы Ціханоўскай у 2010 годзе, напрыклад, ці ў 2005, 2006-м? Я думаю, што гэта сталасць нацыі. Калі людзі ўжо на мяжы таго, што павінны быць перамены ў краіне, і абʼядноўваюцца вакол чагосьці. У нашым выпадку, «Ціханоўская» гэта вельмі ўмоўнае паняцце. Людзі абʼядналіся вакол ідэі, мэты».

Акрамя гэтага, як лічыць Ціханоўская, у беларусаў і расіян розны палітычны кантэкст. «У нас былі выбары, на якіх мы перамаглі. У расійскай апазіцыі няма такога чалавека ці абʼяднаўчай мэты, вакол якой можна будаваць супольнасць ці дэмакратычныя інстытуты. Там некалькі лідараў, і ў кожнага свая каманда. Магчыма, яны таксама дамаўляюцца пра нейкую супольную працу».

Святлана выказала дапушчэнне, што, магчыма, пасля новых прэзідэнцкіх выбараў у Расіі зʼявіцца свая «Ціханоўская».

Пра кантакты з расійскай апазіцыяй

Ціханоўская распавяла пра свае адносіны з расійскай апазіцыяй. Па яе словах, яна некалькі разоў сустракалася з Уладзімірам Кара-Мурзой, пакуль яго не пасадзілі. Акрамя гэтага яна камунікуе з Жанай Нямцовай — удавою расійскага апазіцыйнага палітыка і грамадскага дзеяча Барыса Нямцова, забітага ў 2015 годзе. Сустрэчы з прадстаўнікамі расійскай апазіцыі адбываюцца пад час супольных мерапрыемстваў.

«Але я адчуваю, калі Беларусь і Расія абмяркоўваюцца разам на адной панэлі, то Расія заўжды выціскае Беларусь. А мне вельмі важна трымаць Беларусь на парадку дня, каб пра Беларусь казалі. І таму, калі ёсць нейкі івэнт, дзе абмяркоўваюць Расію і Беларусь, я прашу, каб панэль па Беларусі выносілі асобна. Не кладзіце нас у адзін кош, у нас розныя кантэксты».

«Мы, беларусы, не называем сябе апазіцыяй, бо разумеем, што нас большасць. А там гэта нейкая прыналежнасць да партыяў, да поглядаў. Наш погляд адзін — дэмакратычная Беларусь, вызваленне зняволеных і новыя выбары».

Ціханоўская заўважыла, што беларускія дэмакратычныя сілы могуць вучыцца асобнаму ў расійскай апазіцыі. Напрыклад, марафон салідарнасці з палітвязнямі — калька з расійскай ініцыятывы. «Так, у нас атрымалася трошкі лепш. Але чамусьці мы да такога не дадумаліся. І гэта добры прыклад, як можна ўзяць ініцыятыву і перакласці яе ў беларускія рэаліі».

Глядзіце цалкам:

Каментары1

  • Сяргей Святланавіч
    05.01.2024
    Бедныя расіяне! Як жа ж яны зрынуць пыню без уласных пустабрэхаў, якія займаюцца палітычным турызмам і называюць гэта БАРАЦЬБОЙ!
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Заканчваецца тэрмін даўніны па народным пратэсным артыкуле. Больш нікога не пасадзяць? Не, ёсць нюансы

Заканчваецца тэрмін даўніны па народным пратэсным артыкуле. Больш нікога не пасадзяць? Не, ёсць нюансы

Усе навіны →
Усе навіны

Крык душы дзяўчыны, што скончыла медінстытут і з жахам глядзіць на бліжэйшыя пяць гадоў102

Скарлет Ёхансан стала самай касавай актрысай у гісторыі1

Колькі каштуе сабраць дзіця ў школу сёлета1

Колькі можна зарабіць на высяканні кустоў у Швецыі? Малады беларус падзяліўся досведам19

Памёр Мікола Люцко

Іван Краўцоў: Заявы Ціханоўскай выглядаюць крывадушнымі56

Выйшаў на волю былы старшыня яўрэйскай абшчыны ў Гродне

Трамп сказаў, што ЗША давядзецца зноў пастаўляць зброю Украіне. Пентагон адразу ж абвясціў, што ўжо пачынае пастаўкі5

«Я быў у такой дупе, але паглядзіце на мяне». Стаўкі давялі беларуса да дна — ён расказвае, як выбраўся назад3

больш чытаных навін
больш лайканых навін

Заканчваецца тэрмін даўніны па народным пратэсным артыкуле. Больш нікога не пасадзяць? Не, ёсць нюансы

Заканчваецца тэрмін даўніны па народным пратэсным артыкуле. Больш нікога не пасадзяць? Не, ёсць нюансы

Галоўнае
Усе навіны →

Заўвага:

 

 

 

 

Закрыць Паведаміць