Віктар Клімаў, камандзір расійскага паветранага каманднага пункта Іл-22М, які 14 студзеня быў падбіты, меркавана, украінскімі вайскоўцамі, загінуў. Інфармацыю ў сацсетках пра гэта заўважыў канал «Крымскі вецер».
У расійскіх пабліках пішуць, што Клімаў загінуў у часе атакі.
Другі пілот быў паранены, але здолеў пасадзіць самалёт. Яго цяперашні стан невядомы.
Інфармацыя праз збіццё двух каштоўных расійскіх самалётаў з'явілася 14 студзеня. Самалёт Іл-22М атрымаў пашкоджанні, але сеў на аэрадроме ў Анапе. ДРЛВ А-50 быў збіты.
Галоўнакамандуючы ўкраінскай арміяй генерал Валер Залужны пацвердзіў збіццё расійскіх звышкаштоўных самалётаў над Азоўскім морам.
Самалёт ДРЛВ А-50 — унікальны, такіх на ўзбраенні ў Расіі не больш за дзевяць, але не ўсе яны баяздольныя. Кошт такога самалёта больш за 300 мільёнаў даляраў. А-50 — асноўны для ўказанняў па нанясенні ракетных удараў па тэрыторыі Украіны.
Менавіта па ДРЛВ А-50 у лютым 2023 года быў нанесены ўдар дронам на беларускім аэрадроме «Мачулішчы».
Не менш унікальны і самалёт Іл-22М — «паветраны абаронены пункт кіравання». Пад «абароненасцю» маецца на ўвазе ўстойлівасць каналаў сувязі да ўздзеяння сродкаў радыёэлектроннай барацьбы.
Гэты самалёт з'яўляецца паветраным камандным пунктам, з якога можна кіраваць войскамі падчас баявых дзеянняў. Паколькі гэты пункт знаходзіцца ў паветры, то яго немагчыма збіць аператыўна-тактычнымі ракетамі.
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам9
Каментары