Дурыкі РНЕ ці правакацыя з мэтай адабраць офіс?
Раніцай 16 жніўня сакратарка ўправы Партыі БНФ, прыйшоўшы на працу, убачыла на дзьвярах офісу прыстасаваньне з сымболікай РНЕ. Па выкліку прыехалі сапэры. Высьветлілася, што гэта муляж выбуховага прыстасаваньня, вельмі падобны да сапраўднай міны заводзкай вытворчасьці – цёмна-зялёны мэталічны кантэйнэр. На ягоным днішчы была намаляваная свастыка-калаварот – эмблема РНЕ. З кантэйнэра высыпаліся РНЕшныя ўлёткі.
Невядомыя таксама выпацкалі чорнай смалой, якой карыстаюцца будаўнікі, дзьверы й шыбы офісу БНФ.
Магчыма, зламысьнікі – калі гэта насамрэч сябры РНЕ – будуць знойдзеныя. Шэсьць гадоў таму супрацоўнікі аддзелу міліцыі Савецкага раёну затрымлівалі дзясяткі сяброў РНЕ, здымалі адбіткі пальцаў і фатаграфавалі іх для картатэкі. Праверыць архівы нескладана.
Але намесьнік стар-шыні Партыі БНФ Аляксей Янукевіч мяркуе, што сёньняшняе здарэньне можа быць усяго толькі правакацыяй з мэтай пазбавіць партыю офісу ў цэнтры гораду.
❏
Глядзі яшчэ:
Фотарэпартаж ад «замінаванай» управы БНФ
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары