Грамадства99

Сахашчык-малодшы расказаў, чаму не пайшоў ваяваць і як беларуская армія ўспрыме сілавы сцэнар вызвалення

У новым выпуску «Ток» Аляксандр Сахашчык падзяліўся сваімі назіраннямі за беларускімі добраахвотнікамі ва Украіне.

Аляксандр Сахашчык. Скрын відэа «Ток»

Як у беларускім войску ўспрымаюць сілавы сцэнар вызвалення Беларусі

Па словах Аляксандра Сахашчыка, нічога добрага каліноўцаў і ўсіх іншых, хто са зброяй пойдзе вызваляць Беларусь, не чакае. Яму б хацелася, каб да такога сцэнара справа не дайшла. Сахашчык лічыць, што трэба шукаць іншыя варыянты.

«Задача ў беларускіх ваенных — абараняць сваю краіну. У гэтым кантэксце каліноўцы і ўсе іншыя людзі, якія робяць дастаткова радыкальныя заявы на гэты рахунак, успрымаюцца як праціўнік. Адпаведна і адносіны».

Сахашчык адзначыў, што якія б ацэнкі хто ні даваў беларускім Узброеным сілам, самае большае, што атрымалася б пры сілавым сцэнары, гэта заняць адзін-два памежныя раённыя цэнтры.

Разам з гэтым Аляксандр Сахашчык запэўніў, што вельмі паважае тую работу, што робяць хлопцы з Палка Каліноўскага, Беларускага добраахвотніцкага корпуса і дэсантна-штурмавой роты:

«Усе добраахвотнікі, якія цяпер ваююць у складзе ўкраінскага сілавога блоку, робяць насамрэч вялікую работу. Яе вынік пакажа час. Думаю, што мінімальным будзе тое, што Беларусь не будзе выплочваць рэпарацыі».

Параўнанне байцоў Сіл спецыяльных аперацый і беларускіх добраахвотнікаў

Аляксандр Сахашчык мяркуе, што байцы Сіл спецыяльных аперацый у адрозненні ад добраахвотнікаў «маюць сістэму баявой падрыхтоўкі, цыклічнасць, у іх ёсць сілы, сродкі».

Калі ацэньваць добраахвотнікаў, то на сёння ва Украіне некалькі такіх фарміраванняў, якія розняцца колькасцю байцоў. Аляксандр Сахашчык распавёў пра байцоў дэсантна-штурмавой роты:

«Калі падраздзяленне фармавалася, намі было заяўлена, што акцэнт будзе ставіцца на тэхналагічнасць, сучасную экіпіроўку, узбраенне, зберажэнне чалавечых жыццяў і дасягненне максімальнага баявога патэнцыялу малой колькасцю людзей. На сёння асабісты склад роты ўзброены і экіпіраваны не горш за топавыя элітныя падраздзяленні Расіі, Украіны ці Захаду».

Чаму сам не пайшоў ваяваць

Сахашчык-малодшы не думае, што абавязак кожнага ваеннага чалавека ісці на вайну. «Гэта асабістае рашэнне кожнага. Я вельмі паважаю людзей, якія зрабілі гэты крок, але асабіста для сябе я не лічу гэта неабходным цяпер. Мая вайна яшчэ будзе наперадзе.

Калі зазірнуць у нашу гісторыю, то калі не кожнае пакаленне, то праз пакаленне ўсе мужчыны праз нейкую вайну праходзяць. Таму я нікуды не спяшаюся. Лічу, што я цяпер займаю тое месца і пасаду, якія прыносяць найбольшую карысць нашай агульнай справе».

Глядзіце цалкам:

Каментары9

  • даведка
    30.01.2024
    Многие белорусские военные-патриоты осуждены за измену государству пока сын Сахащика травит байки для НН.
  • Тое і будзе
    30.01.2024
    Будуць драпаць да Масквы як ў 41 г., толькі ленд лізу цяпер не будзе
  • -/+
    30.01.2024
    Слухайце, ну гэта ж было вядома ад самага пачатку, што ніякія каліноўцы не здольныя нешта тут вызваліць. Пры ўсей вялікай павазе, але яны нічога не здатныя супраць арміі, няхай і беларускай. Якія магчымасьці ў іх есьць? Ніякіх, акрамя наяўнага складу.

    І да тіаго ж. Ніякія баявыя дзеяньні не будуць станоўча ўспрыняты ў самой Беларусі, нават праціўнікамі Лукашенкі.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек15

Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек

Усе навіны →
Усе навіны

Польку затрымалі ў Гданьску за абразу беларускі4

Жыхары «Новай Баравой» выступілі супраць цырка-шапіто ў іх раёне. Чым скончылася?6

Прарасійская актывістка Мірсалімава патлумачыла, чаму нельга забараняць чытаць «экстрэмісцкія» выданні7

Злоўленая ў Сеніцы жывёліна аказалася шалёным ваўком. У міліцыі расказалі падрабязнасці6

Як упарадкавалі сквер Амара Хаяма ў Мінску

Жанчына займалася сэксам з будысцкімі манахамі, а пасля шантажавала іх13

Беларускі школьны настаўнік расказаў, колькі зарабляе на ферме ў Нідэрландах1

МЗС Літвы накіравала Беларусі ноту пратэсту з-за расійскага дрона

«Гэта хлеб ці клей?»: жыхарка Баранавічаў абурылася якасцю прадукцыі хлебазавода10

больш чытаных навін
больш лайканых навін

Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек15

Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек

Галоўнае
Усе навіны →

Заўвага:

 

 

 

 

Закрыць Паведаміць