Калеснікава — Ціханоўскай: Света, ты нават не ўяўляеш, колькі я разоў уяўляла гэты момант
Сёння Святлана Ціханоўская пагаварыла па тэлефоне з Віктарам Бабарыкам і Марыяй Калеснікавай, што ў суботу выйшлі на волю. У прэс-службе Віктара Бабарыкі падзяліліся дэталямі размовы.
«Света, ты нават не ўяўляеш, колькі разоў я ўяўляла гэты момант — што мы з табой нарэшце ўбачымся! Але наступны крок — мы абавязкова павінны абняцца! Ведай, што я заўсёды цябе падтрымлівала. Мала хто змог бы зрабіць тое, што зрабіла ты. Я вельмі гэта цаню», — сказала Марыя Калеснікава.
Марыя кажа, што цяпер надзвычай важна вызваліць іншых людзей.
«Я не магу спакойна спаць, ведаючы, што дзяўчаты яшчэ там, і бабулі, якім па 70 гадоў. І пры гэтым выпускаюць мяне, а не выпускаюць іх. Гэта мая асабістая мэта нумар адзін. Я думаю, што вы ўсе, вы таксама да гэтага далучыцеся», — сказала яна.
«Тое, што было зроблена пасля таго, як нас першых закрылі, — гэта проста неверагодна. Неверагодна, што вы не проста ўзялі сцяг у рукі, а сапраўды захавалі нашу справу жывой. Я перакананы: пакуль яна існуе, мы можам стварыць не проста добрую і прыгожую гісторыю, а гісторыю, якой будуць ганарыцца не толькі мы з вамі, але і нашы дзеці і ўнукі. Трэба думаць пра тое, што будзе далей — і гэта ў нас наперадзе. Дзякуй усім, хто застаўся, хто ў сваіх руках утрымаў гэтую далікатную маленькую расліну пад назвай Новая, вольная і шчаслівая Беларусь», — зазначыў Віктар Бабарыка.
«Давайце проста разумець: гэты пункт — [вызваленне беларусаў] — аб’ядноўвае нас усіх. Гэта вельмі важна. Я перакананы ў дабрыні і спачуванні як адных з найлепшых рыс характару беларусаў. А гэта значыць — гэта боль і жаданне ўсіх людзей Беларусі. Думаю, Святлана, вы не горш за нас гэта разумееце — вы рабілі ўсё, што маглі. Гэта цудоўна. Дзякуй», — дадаў ён.
Каментары
Прааналізаў розныя інтэрв'ю як Бабарыкі і Калеснікавай за 2020г, а таксама людзей якія з ім працавалі, сказалася ўражанне, што яны не шчыра разумелі ў якой краіне жылі і што такое рэжым лукі.
Іх наіўнасць абыйшлася ім вельмі дорага, як і людзям, якія ім паверылі.
Я не бачу ніякай рэфлексіі Бабарыкі і Калеснікавай наконт сваіх дзеянняў у 2020м
То бок, каб яны вызналі, што ідэя перамагчы луку ў прававым поле была памылковай. Што выходзіць па нядзелям з кветкамі на мянтоў, была правальная стратэгія па змене ўлады. Што гэта ўсё толькі пагоршыла сітуацыю ў РБ.
Нехта скажа, што на іх праз сваякоў у РБ ціснуць. Магчыма, але яны яўна хацець быць у інфа поле, усе зразумелі б калі яны сышлі ў цень. Таму не трэба скідваць з іх адказнасць.
Яны цяпер абмяркоўваюць, толькі тое каб далей выходзілі людзі з дэпартацыяй, пра тое як яны бачыць змену ўладу ў краіны нават размовы няма
Рэжым лукі цяпер успрываецца імі як канстанта, на якую ніяк не паўплываць, а толькі дзякаваць, што з турмы выпусцілі і з краіны выкінулі.