Украіна ўпершыню падбіла танкер расійскага ценявога флоту ў Міжземным моры
Служба бяспекі Украіны ўпершыню правяла спецаперацыю ў нейтральных водах Міжземнага мора і атакавала расійскі танкер QENDIL, які, паводле ўкраінскага боку, належыць да так званага ценявога флоту Расіі. Пра гэта паведамілі крыніцы Украінскай службы Бі-бі-сі ў СБУ.
Падчас «прамой лініі» з Уладзімірам Пуціным вядучы паведаміў яму, што ў Міжземным моры быў атакаваны «наш танкер». У адказ Пуцін заявіў, што не лічыць страты істотнымі: на яго думку, гэта не парушыць пастаўкі, а толькі створыць дадатковыя рызыкі, Расія ж на атакі абавязкова адкажа.
Як паведамляюць у СБУ, аперацыя была шматэтапнай і праводзілася падраздзяленнем «Альфа» з выкарыстаннем паветраных беспілотнікаў. Танкер быў падбіты на адлегласці больш як дзве тысячы кіламетраў ад тэрыторыі Украіны.
Паводле звестак крыніц, у момант атакі судна не перавозіла груз і было пустым, таму небяспекі для экалогіі рэгіёна не ўзнікла. У СБУ адзначаюць, што Расія выкарыстоўвала гэты танкер для абыходу санкцый і атрымання сродкаў, якія ішлі на вядзенне вайны супраць Украіны, таму судна лічылася законнай вайсковай цэллю.
Крыніцы таксама сцвярджаюць, што ў выніку ўдару QENDIL атрымаў сур’ёзныя пашкоджанні і больш не можа выкарыстоўвацца па прызначэнні.
Раней украінскія спецслужбы ўжо наносілі ўдары па танкерах Расіі ў Чорным моры.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты27
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)77
Каментары