Суддзя суда Наваполацка Зінаіда Балаболава 25 студзеня і 1 лютага пакарала адпаведна 13 і 15 суткамі арышту жыхара Віцебска Аляксея Кісялёва, які, па версіі работнікаў мясцовай міліцыі, распаўсюдзіў «экстрэмізм» у сацыяльных сетках, піша «Віцебская вясна».
Першае пакаранне Аляксей атрымаў за тое, што ён на сваёй старонцы ў інстаграме нібыта размясціў лагатып у выглядзе шчыта з гербам «Пагоня», сцягам Украіны, бчб-сімволікай, мячом, касой і лічбамі «1863 — 2022», абрэвіятуру «Батальён Кастуся Каліноўскага», спасылкі на інтэрнэт-рэсурс strana.fand, а таксама тэксты Zerkalo_io і BYPOL.
Паўторна мужчыну пакаралі з-за таго, што ён нібыта размясціў і захоўваў у свабодным доступе ў сацыяльнай сетцы «Вконтакте» спасылку на лагатып Tut.by.
Прычым калі ў першым выпадку «правапарушальнік» віну сваю прызнаў, то ў другім ад гэтага катэгарычна адмовіўся.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў15
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары