«Беларусы і ў Дубаі беларусы». Як суайчыннікі арганізавалі дапамогу тым, хто не можа вярнуцца дамоў праз закрытае неба
Беларусы, якія жывуць у Аб'яднаных Арабскіх Эміратах, падчас скасаванняў рэйсаў праз абстрэлы з боку Ірана дапамагаюць суайчыннікам, якія не могуць вылецець з краіны, але пры гэтым не разлічвалі на дадатковыя выдаткі. Пра тое, як людзі ў такіх умовах самаарганізаваліся, піша «Белсат».
Пакуль неба на Блізкім Усходзе закрытае і многія беларусы, што паляцелі адпачываць у Эміраты, не могуць вярнуцца дамоў, Раман з Мінска, заснавальнік сэрвісу дастаўкі гатовых рацыёнаў ProfitFood у Менску, разам са сваёй ініцыятывай ProfitFood у Дубаі развозіць там бясплатную ежу беларусам, якія апынуліся ў складанай сітуацыі.
Мужчына ў Тhreads адзначыў, што каардынуецца з Генеральным консульствам Беларусі, якое збірае і перадае заяўкі ад тых, хто патрабуе «максімальнай падтрымкі».
«У няпросты час галоўнае — заставацца людзьмі. Калі вам ці вашым блізкім патрэбная дапамога, звяртайцеся ў Генконсульства ў Дубаі! У складаны час важна трымацца разам. Беларусы сваіх не кідаюць», — напісаў Раман.
«Беларусы і ў Дубаі беларусы. Ганаруся», — пішуць у каментарах.
«Як прыемна! Вы цудоўны чалавек! Мы цяпер у Дубаі, дапамога не патрэбная, вылецім, спадзяюся, своечасова, але як жа мне прыемна чытаць такія чалавечныя словы».
Хоць рашэнне дапамагчы турыстам на адпачынку ў заможнай краіне разумеюць не ўсе.
«У сэнсе бясплатная ежа?! Гэта пагарэльцы ў вёсцы ці што? Людзі ў ААЭ прыляцелі, ну затрымаліся на пару дзён — і ў іх грошай на ежу няма, дурдом проста».
Таксама людзі стварылі тэлеграм-чат абвестак з прапановамі часовага жылля і карыснымі рэкамендацыямі турыстам, якія захраслі ў аэрапортах Абу-Дабі, Дубая і Шарджы або апынуліся літаральна на вуліцы ў гэтыя дні.
«Я маці з 4 дзецьмі. Выганяюць з гатэлю «Лега Лэнд», рэйс 3 сакавіка на 19:40 скасавалі ўчора. Патрэбная дапамога з жыллём», — запытала там Кацярына.
«Калі камусьці патрэбная дапамога — жанчыны, дзеці — бясплатна 2 пакоі ў 4‑пакаёвай кватэры да вашага вылету ў краіну. Проста 2 пакоі вольныя, гатовая дапамагчы ад чыстага сэрца», — напісала вышэй беларуска з Дубаю.
«Мы сямʼя, калі ў вас рэальныя складанасці з жыллём да вылету, на некалькі начэй зможам даць адзін невялікі пакой дзяўчатам ці пары», — прапанаваў Аляксей.
Мясцовыя беларусы прапануюць пакоі ў сваіх кватэрах, некаторыя гатовыя зняць за свае грошы кватэру нават на тыдзень. Праўда, часцей за ўсё паведамленні тычацца жанчын і з дзецьмі.
«Пад канец адпачынку даведаліся, што тут няма сховішчаў». Беларусы, што знаходзяцца ў ААЭ, расказалі, як ім там цяпер
«Поўная нявызначанасць». Што будзе з турыстамі, якія планавалі адпачынак у ААЭ ў сакавіку?
У ААЭ, Катары і Амане застаюцца больш за тры тысячы беларускіх турыстаў
«Басейны закрытыя, на пляжы рэкамендуюць не хадзіць». Што кажуць турысты ў ААЭ і Катары
Памёр паэт Уладзімір Карызна, аўтар слоў да цяперашняга дзяржаўнага гімна Беларусі8
Каментары
Беларус беларусу Беларус ...