Сёння ў Цэнтральным Доме афіцэраў прайшоў урачысты сход, прысвечаны Дню памяці воінаў-інтэрнацыяналістаў і 35-годдзю вываду савецкіх войскаў з Афганістана.
Кіраўнік Мінабароны звярнуўся са словамі прывітання да тых, хто ў складзе абмежаванага воінскага кантынгенту ў 1980-я гады і выканаў свой абавязак.
«Цяпер ужо добра вядома, што афганская вайна была перш за ўсё жорсткай сутычкай за геапалітычныя інтарэсы. Злучаныя Штаты і іх саюзнікі спрабавалі стварыць рэгіён нестабільнасці ля межаў Савецкага Саюза з наступным пераносам баявых дзеянняў на яго тэрыторыю. Гэтыя планы былі сарваныя найвышэйшай мужнасцю і гераізмам савецкіх воінаў», — сказаў Віктар Хрэнін.
Паводле афіцыйнай савецкай статыстыкі, у Афганістане ў 1979—1989 гадах загінулі 15 052 савецкіх воінаў, было 53 753 параненых, 417 зніклі без вестак. Афганцаў загінулі дзясяткі тысяч, часам называецца лічба ў 400 тысяч.
Загінуў 771 беларус (у тым ліку 4 жанчыны), 1500 былі параненыя, 718 засталіся інвалідамі, 12 прапалі без вестак.
Цяпер чытаюць
Шэсць фактаў пра Андрэя Шведа — былога генпракурора, які цяпер стаў старшынёй Вярхоўнага суда4
Каментары