Пачатковы кошт маёмасці — 358 442,2 рубля. Гэта каля $111 тысяч. Аўкцыён павінен адбыцца 27 лютага.
На электронным аўкцыёне «Белюрзабеспячэнне» выставілі на таргі нерухомасць Валерыя Цапкалы — трохпакаёвую кватэру з машына-месцам у Мінску.
Кватэра знаходзіцца ў доме № 5 на вуліцы Чарнышэўскага. Агульная плошча жылля — 103,7 м2. У кватэры зарэгістраваны адзін чалавек.
Паведамляецца, што ў кватэры ёсць убудаваныя шафы, кандыцыянер, кухня, выцяжка, варачная панэль.
Разам з жыллём прадаецца парковачнае месца ў падземнай аўтастаянцы.
Даўжніком лічыцца Валерый Цапкала. Адзначаны праблемныя рэчы: арышт следчых органаў, забарона рэгістрацыйных дзеянняў, судовага выканаўцы. У кватэры зарэгістраваны адзін чалавек.
Пачатковы кошт маёмасці — 358 442 рублі 20 капеек. Аўкцыён павінен адбыцца 27 лютага.
Watch on TikTok
Валеры Цапкала ў мінулым кіраваў Паркам высокіх тэхналогій. Для ўдзелу ў прэзідэнцкай кампаніі 2020 года ён сабраў ініцыятыўную групу, ездзіў па краіне. Аднак ЦВК адмовіў яму ў рэгістрацыі праз тое, што сабраных подпісаў пасля праверкі аказалася менш за сто тысяч. Улетку 2020 года Цапкалы з дзецьмі з'ехалі з Беларусі. На радзіме Валерыя Цапкалы завочна прысудзілі да 17 гадоў калоніі ўзмоцненага рэжыму.
Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?7
Каментары
Франека Вячорко