Свет33

Доктар, які працаваў з Навальным пасля атручвання, не верыць у версію пра тромб

Адвакат Леанід Салаўёў распавёў, што апошні раз наведваў Навальнага ў сераду, і з ім усё было нармальна. Пра стан здароўя палітыка «Медуза» паразмаўляла з рэаніматолагам Аляксандрам Палупанам — ён уваходзіў у кансіліум, які працаваў з Навальным у Омску пасля атручвання, а затым рэгулярна кансультаваў паплечнікаў апазіцыянера.

Аляксей Навальны 4 жніўня 2023 года. Фота: Alexander Zemlianichenko / AP

У мяне няма эксклюзіўнай інфармацыі па здароўі [Навальнага] — не тое, што ў мяне, яе і ў каманды няма. Я размаўляў са сваякамі Аляксея толькі ў тыя моманты, калі ў яго былі відавочныя пагаршэнні па здароўі — і па той інфармацыі, якая ў мяне ёсць, нейкіх прынцыповых і крытычных пагаршэнняў у гэтай галіне не было.

Зразумела, што [у цэлым] здароўе ў яго было дрэннае — як і ў любога чалавека, які будзе змешчаны ў такія ўмовы. Але мне чамусьці здаецца, што гэта малаімаверная прычына натуральнай смерці.

Па-першае, яны [прапагандысты] адразу сталі пісаць пра тромб, які адарваўся — а пра гэта немагчыма сказаць без ускрыцця. Яны маглі б сказаць «раптоўнае спыненне сэрца», але тромбаэмбалію [закаркаванне артэрыі тромбам — заўв. «Медузы»] можа паказаць толькі ўскрыццё. Ніякіх іншых метадаў няма.

У Аляксея не было ніякіх аб'ектыўных рызык тромбаэмбаліі — захворванняў вен ніжніх канечнасцяў, тромбафіліі, трамбозу і гэтак далей. Часцей за ўсё тромбы трапляюць у лёгачныя артэрыі з вен ніжніх канечнасцяў і малога тазу.

Адпаведна, фактары рызыкі — гэта праблемы з нагамі, напрыклад, працяглая імабілізацыя пасля пераломаў, альбо анкалагічныя працэсы ў органах малога тазу. Нічога гэтага ў Аляксея не было. Фактарам рызыкі можа быць і мігацельная арытмія, але гэтага не было таксама.

Нейкі час таму ў яго былі праблемы са спіной, але яны абсалютна не пагражаюць жыццю, толькі выклікаюць дыскамфорт. Яшчэ калісьці, даўным-даўно, была пнеўманія, але апошнім часам, паўтаруся, вострых рэчаў не было. Была нейрапатыя пасля атручвання «Навічком», але яна тыповая пры такім атручванні.

Ці можна замаскіраваць забойства пад тромбаэмбалію? Калі правесці сумленнае ўскрыццё, то тромб павінна быць відаць. Не можа быць дыягназу «тромбаэмбаліі» без знойдзенага тромбу, які адарваўся. Але яны могуць зрабіць усё што заўгодна — сфальсіфікаваць пратакол ускрыцця. І ніхто нічога не зможа праверыць.

Каментары3

  • Кого в России не сломали, так убили
    16.02.2024
    Убили его по заказу кремля. Запомните, Путин, как гэбист, ничего просто так не делает. Навального пару месяцев назад специально перевели с самую северную тюрьму за полярным кругом, чтобы там было проще его устранить, т.к. туда только добираться нужно несколько дней. Есть препараты, которые вызывают сердечную недостаточность, вот их и применили. Причем тюремный врач, не смог оказать помощь, зато быстро установил, что именно стало причиной, якобы тромб, хотя такое можно установить только после вскрытия. Туда еще не успели доехать ни медики, ни адвокаты, а кремль уже все установил, все уже знает, а кремлевские пропагандистские ресурсы уже во всю озвучивают причину. Сразу видно, кто заказчик данного преступления. Причем за последние 25 лет подобным образом устранили уже сотни политиков, журналистов и активистов в России. Родственникам соболезнования
  • Федзя
    16.02.2024
    Слухайце, ды не будуць яны так замарочвацца, напiшуць раптоунае спыненне сэрца выклiканае сарэчнай недастатковасцю, а там прычын могуць прыдумаць сотнi, ад "парушэння вентыляцыi" да нават праблем са страунiкам. Усё гэта мы ужо праходзiлi, усю гэту гэбоускую хлусню.
  • Константин Георгиевич Болотников
    16.02.2024
    Англосаксы убили его,чтобы ещё больше демонизировать ВВП.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў23

Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў

Усе навіны →
Усе навіны

У міліцыі склалі рэйтынг з трох сусветных знакамітасцяў, за якіх часцей за астатніх выдаюць сябе махляры

Жыхар Полацка спрабаваў за 200 рублёў купіць у знаёмай дзіця для сэксу9

«Белтэлекам» правядзе першы за 30 гадоў рэбрэндынг. Як вам?9

«Штогод губляем 15 аб'ектаў». Беларускія дачнікі змагаюцца з вышкамі сотавай сувязі2

Адміністрацыя Трампа закрыла сакрэтную працоўную групу, закліканую схіліць Расію да мірнага пагаднення4

У Гомелі закрылі забягалаўку прадпрымальніка-лукашыста і знішчылі яго плакат са Сталіным18

Іран заявіў пра ўдар па штаб-кватэры «Масада»

«Страцілі ўсё, акрамя жыцця». 85 гадоў таму ўнука прэзідэнта Гродна вывезлі з горада ў чамадане — зараз ён па крупінках узнаўляе гісторыю сям'і2

Шматдзетнага бацьку-верніка прызналі яшчэ і тэрарыстам1

больш чытаных навін
больш лайканых навін

Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў23

Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў

Галоўнае
Усе навіны →

Заўвага:

 

 

 

 

Закрыць Паведаміць