Мінздароўя адкрыла эксперыментальную віртуальную прыёмную. Як гэта працуе
Чат-бот не ставіць дыягназ і не прызначае лячэнне, але хутка рэагуе на экстранную сітуацыю.
Мінздароўя паведаміла, што адкрывае эксперыментальную віртуальную прыёмную — гэта чат-бот @by_minzdrav_bot.
Падкрэсліваецца, што будзе аператыўнае рэагаванне на ўсе канкрэтныя заявы для аказання экстранай медыцынскай дапамогі, якія тычацца выратавання жыцця ў бальніцы або ў паліклініцы.
Чат-бот даступны кругласутачна ў тэлеграме: дасылаць можна відэапаведамленне, фота ці тэкст.
«Галоўнае — мы дапаможам выправіць сітуацыю толькі там, дзе ёсць дакладныя звесткі месца здарэння, прозвішча, імя і імя па бацьку, а таксама нумар тэлефона, па якім можна звязацца», — паведамляе прэс-служба Мінздароўя.
Таксама зазначаецца, што чат-бот не ставіць дыягназ і не прызначае лячэнне, не замяняе гарачую лінію Мінздароўя і адзіную (інтэграваную) рэспубліканскую інфармацыйную сістэму ўліку і апрацоўкі зваротаў грамадзян і юрыдычных асоб звароту.
«Чат — аператыўны рэсурс для хуткага рэагавання ведамства на экстранную сітуацыю!», — рэзюмуе Мінздароўя.
Цяпер чытаюць
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна17
Каментары