Грамадства66

БТ атакавала Яўгена Перліна, выліўшы на яго новы «кампрамат»

Днямі праўладныя прапагандысты накінуліся на крамы «Міла» за рэкламу з былым тэлевядучым Яўгенам Перліным, які пакінуў дзяржаўнае тэлебачанне ў 2020 годзе. У выніку рэкламу прыбралі. Перлін у адказ апублікаваў пост у інстаграме, у якім расказаў, як любіць Мінск, Беларусь, беларусаў, што нікому не здраджваў. Мімаходзь ён згадаў пра свае праекты на тэлебачанні, і гэта раз'юшыла былых працадаўцаў.

У тэлеграм-канале Агенцтва тэлевізійных навін БТ з'явіўся разгромны пост, у якім, як сцвярджаецца, прапагандысты «не змаглі ўжо маўчаць і спяшаюцца паведаміць», што праца Перліна на тэлебачанні была нібыта нічога не вартай.

Такая нервовая рэакцыя стала адказам усяго на адну перлінскую фразу: «Столькі праектаў мы запусцілі, столькі прыгажосці паказалі ў вячэрнім шоу на ТБ, у рамках Еўрабачання і розных спартыўных турніраў».

Былыя калегі сцвярджаюць, што шоу Перліна «Макаёнка, 9» было адным з найбольш правальных праектаў канала «Беларусь 1»: «сярэдняя доля — у раёне 2-2,5% пры цяперашняй долі тэлеканала 8-9%». Яго ўжо быццам збіраліся пераносіць на нязручны начны час, а пасля ўвогуле закрыць.

У супрацьлегласць перлінскай праграме расхвальваецца праект «Фактор.ВУ», які, паводле прапагандыстаў, «меў сярэднюю долю аднаго эфіру ў трэцім сезоне ў раёне 21-22%. Самы рэйтынгавы эфір — у раёне 28%. На піку тэлеглядзення — больш за 40%».

Мяркуючы па лічбах апошняга тэлевымярэння, ганарыцца «Беларусь 1» няма чым. У топе праграм быў толькі адзін з выпускаў «Фактор.ВУ» з рэйтынгам 4,81%.

Чытайце: «Даярка з Хацапетаўкі» абагнала Эйсманта. Што найбольш глядзелі на ТБ у студзені? 

Акрамя таго, у допісе АТН сцвярджаецца, што Перлін «да стварэння «Еўрабачання» ніколі не меў ніякага дачынення. Да вядзення —так. Але яно не мае ніякага дачынення да стварэння».

Што маецца тут на ўвазе пад стварэннем «Еўрабачання», не ўдакладняецца. Як вядома, гэты праект не беларускі, а створаны яшчэ ў 1956 годзе, задоўга да нараджэння Яўгена Перліна і, відаць, таксама ягоных крытыкаў.

Цяпер Яўген Перлін зарабляе на жыццё тым, што вядзе вяселлі і карпаратывы.

Каментары6

  • Васіль
    22.02.2024
    З той жа кагорты - меркаваў будзе новы гаспадар ... але стары утрымаўся, а назад фарш не правернеш, памятаю як ен лайном паліваў дэмакратаў і лізаў уладзе не месца адно ...
  • Перило
    22.02.2024
    А кто этот Перлин ???
  • Woodoo Cult
    23.02.2024
    Жабагадюкинг))

Цяпер чытаюць

Трамп заявіў, што ён «у нейкім сэнсе» прыняў рашэнне наконт паставак Украіне ракет Tomahawk7

Трамп заявіў, што ён «у нейкім сэнсе» прыняў рашэнне наконт паставак Украіне ракет Tomahawk

Усе навіны →
Усе навіны

67‑гадовы дачнік загінуў пад каўшом міні-экскаватара

На тэрыторыі Мотавелазавода ствараюць новы квартал з кавярнямі і крамамі. Што там13

Чаму планаванне падарожжаў з ChatGPT ці Gemini небяспечнае4

Каля 200 турыстаў апынуліся ў пастцы снежнай буры на Эверэсце

Вацлаў Гавэл таксама адмовіўся выйсці з турмы пры ўмове выезду за мяжу. Але ён быў зусім непадобны да лідараў беларускай апазіцыі19

Сёння пачынаецца абвяшчэнне нобелеўскіх прэмій2

Навуковец: Людзі могуць жыць не даўжэй за 120‑150 гадоў. А азэмпік патэнцыйна карысны супраць старэння7

«Жыццёвы цыкл штурмавіка — 12 дзён». Z-блогер шчыра прызнаўся, чаму не падпісвае кантракт з Мінабароны24

Фёдар Паўлючэнка: У чым не мае рацыі Юлія Міцкевіч? Турма што, робіць кагосьці лепшым? Прыгажэйшым? Багацейшым?25

больш чытаных навін
больш лайканых навін

Трамп заявіў, што ён «у нейкім сэнсе» прыняў рашэнне наконт паставак Украіне ракет Tomahawk7

Трамп заявіў, што ён «у нейкім сэнсе» прыняў рашэнне наконт паставак Украіне ракет Tomahawk

Галоўнае
Усе навіны →

Заўвага:

 

 

 

 

Закрыць Паведаміць