У Белгідрамеце паведамілі, што мінулая зіма аказалася адной з самых цёплых у Беларусі з 1881 года. У ранжыраваным шэрагу назіранняў зіма сезона 2023/2024 апынулася на шостым месцы па цеплыні.

Сярэдняя тэмпература мінулай зімы склала ўсяго 1,4 градуса ніжэй нуля, што на 2 градусы вышэй за кліматычную норму.
«Станоўчая анамалія сезоннай тэмпературы паветра знаходзілася ў асноўным у межах 1,5 — 2,5 градусаў і адзначалася па ўсёй краіне», — звяртаюць увагу кліматолагі.
Сярэдняя тэмпература паветра ў снежні складала -0,7 градуса, у студзені — 5,1 градуса, а за люты ўжо +1,7 градуса. Дарэчы, люты 2024-га аказаўся другім такім цёплым з 1945 года.
Акрамя таго, у канцы зімы паўсюдна фіксавалася залішняя вільготнасць.
Самы вялікі мароз за зіму зафіксавалі на станцыі Езярышча 8 студзеня, калі пахаладала да -28,7 градусаў. А самым цёплым днём стаў 28 лютага, у Брэсце ў гэты дзень пацяплела да +16,1 градуса.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі
Каментары