Грамадства55

Памерла Анжаліка Калатазішвілі. Актывістка са Слаўгарада змагалася за сваё жыццё пасля памылковай аперацыі

У 40 гадоў Анжаліцы Калатазішвілі памылкова дыягнаставалі рак і зрабілі не тую аперацыю. Яна аказалася прыкутай да інваліднага вазка, але здолела паставіць сябе на ногі. Выйшла замуж. Галадоўкай дамаглася спаткання са зняволеным мужам. Клапацілася пра бадзяжных жывёлаў. Апошнія чатыры месяцы правяла ў бальніцы. 

Анжаліка Калатазішвілі. Фота: сацыяльныя сеткі

«Змагаюся за жыццё, пакуль няма чым пахваліцца. Папала на гемадыяліз. 10 дзён комы. Не ведаю, ці ачуняю. Перажываю за сваіх катоў і сабак», — напісала Анжаліка Калатазішвілі за месяц да смерці.

А потым перастала апавядаць пра сябе ў сацыяльных сетках, а сёння стала вядома, што яна памерла 23 лютага. Ёй было 53 гады.

Анжаліка Калатазішвілі са Слаўгарада. З 27 гадоў працоўнага стажу трынаццаць яна адрабіла ў мясцінах, забруджаных з-за Чарнобыльскай катастрофы радыяцыяй. Гэта адбілася на здароўі. Праявіліся праблемы з шчытавіцай, пачалі разбурацца косткі.

Анжаліка казала, што ў 2011 годзе лекары дыягнаставалі ў яе рак: саркому маткі, якую выдалілі разам з яечнікамі.

Пасля аперацыі гісталагічны аналіз паказаў, што анкалогіі ў пацыенткі не было. Дадатковае абследаванне пацвердзіла захворванне шчытападобнай залозы, з-за якога ў касцях не трымаўся кальцый.

Анжаліка дамагалася пакарання вінаватых. Пісала ў пракуратуру і ў Адміністрацыю Лукашэнкі. Адусюль прыходзілі адпіскі.

Жанчына спадзявалася, што яе змаганне зменіць падыходы ў дыягнаставанні хваробаў і людзям не давядзецца прайсці тое, што яна.

У 2013 годзе пасля чатырох аперацый Анжаліцы далі інваліднасць першай групы. Выдалі вазок. За тры гады лячэння ў яе атрафіраваліся цягліцы. Але жанчына здолела паставіць сябе на ногі. Самастойна выходзіла на вуліцу, праўда, трымаючыся за вазок.

Па яе словах, калі з'явілася без яго на медыка-рэабілітацыйную экспертную камісію, то чыноўнікаў гэта шакавала. Яны не спадзяваліся, што жанчына наогул выжыве. 

Анжаліка Калатазішвілі ля магілёўскай турмы галадае, каб далі спатканне са зняволеным мужам. Фота: svaboda.org

У 2014 годзе Анжаліка выйшла замуж за грамадзяніна Грузіі Кахабера Калатазішвілі, з якім пазнаёмілася ў сацыяльнай сетцы. У 2018-м яго затрымалі па абвінавачанні ў распаўсюдзе наркатычных рэчываў.

Калі ён быў пад следствам, Анжаліцы не давалі спаткання з ім. Тады яна абвясціла галадоўку. Трывала яе пад магілёўскай турмой. Гэта падзейнічала.

Кахабера Калатазішвілі асудзілі на два гады і дэпартавалі на радзіму. Анжаліка дамагалася, каб яму дазволілі вярнуцца, але марна. Пазней яна даведалася, што ён жыве з іншай жанчынай.

Анжаліка лічыла, што мужа зняволілі з-за яе ўпартасці ў абароне сваіх правоў.

Яна сама трапіла пад пераслед за падпіскі на «экстрэмісцкія каналы».

Апошнія гады Анжаліка прысвяціла клопату аб бадзяжных жывёлах. У яе дома пастаянна перабывалі каты і сабакі. Некаторых яна сабе знаходзіла на вуліцах, а іншых падкідвалі.

Сваю невялікую пенсію жанчына траціла на гадаванцаў. Звярталася да людзей аб дапамозе ў набыванні корму для іх. 

Яшчэ яна шыла лялек.

Пахавалі Анжаліку Калатазішвілі ў яе родным Слаўгарадзе, вуліцамі якога яна любіла прагульвацца. Часта прыходзіла на мясцовае замчышча, каб паглядзець на Сож і яго наваколле.

«Наша Нiва» — бастыён беларушчыны

ПАДТРЫМАЦЬ

Глядзіце таксама:

«Боль ніколі не знікае». Кацярына Ваданосава — пра жыццё пасля раку і змены, якія цяжка прыняць

Лукашэнка сцвярджаў, што кавід можа быць «лекам» ад анкалогіі. А што пра ўплыў кавіду на рак пішуць у свеце?

Мігрантка з Эфіопіі цяжарнай ляцела ў Еўрасаюз, а нарадзіла ў Магілёве

93-гадовы ветэран: Які парад, навошта?! Хіба Лукашэнку карціць паказацца ў маршальскім мундзіры

Каментары5

  • З.Я.Колисниченко
    14.03.2024
    Што хатаскрайнікі, ніхто з родных не мoжа адпомсціць "рвачам" за яе?
  • Prabačcie za pytańnie, paŭtarajusia
    14.03.2024
    Navošta padrabiaznaści, što tam vydaliali i t.d. ? Heta niepubličnaja infarmacyja. Ci heta ŭ miežach etyki ?
  • Тэкля
    14.03.2024
    Анжаліка памерла 23 студзеня, не 23 лютага 2024 года. Светлы чалавек... Вечная памяць...

Цяпер чытаюць

Стала вядома, па якім механізме спісваліся грошы з банкаўскіх картак беларусаў падчас маштабнага збою7

Стала вядома, па якім механізме спісваліся грошы з банкаўскіх картак беларусаў падчас маштабнага збою

Усе навіны →
Усе навіны

«Не хацелі пакутаваць з беларускімі картамі на Booking». А ў выніку ледзь не трапілі на 400 еўра4

Трамп заявіў, што выступіць з важнай заявай наконт Расіі4

Упершыню расійскія вайскоўцы здаліся ў палон робатам — наватарская аперацыя ўкраінскай штурмавой брыгады7

Самая дарагая сумачка ў свеце. Сумку для Джэйн Біркін прадалі за рэкордныя $10 мільёнаў

Трамп пахваліў прэзідэнта Ліберыі за англійскую, але там гэта мова афіцыйная2

За адзін вечар тры беларускія футбольныя клубы перамаглі супернікаў з Арменіі, Македоніі і Чарнагорыі. Гэта рэкорд7

У Гомелі з'явіўся сквер Міліцыі. Гараджан не пыталіся нават фармальна4

Вялікабрытанія і Украіна падпішуць гістарычную дамову аб пастаўцы тысяч ракет для СПА

«Са студзеня Расія страціла 100 тысяч салдат. Забітымі. Не ўсяго, а забітымі»8

больш чытаных навін
больш лайканых навін

Стала вядома, па якім механізме спісваліся грошы з банкаўскіх картак беларусаў падчас маштабнага збою7

Стала вядома, па якім механізме спісваліся грошы з банкаўскіх картак беларусаў падчас маштабнага збою

Галоўнае
Усе навіны →

Заўвага:

 

 

 

 

Закрыць Паведаміць