Грамадства1616

У брэсцкім СІЗА памёр абвінавачаны ў абразе Лукашэнкі падпалкоўнік-дэсантнік

Пра смерць падпалкоўніка запасу Аляксандра Кулініча паведамляе «Люстэрка».

Аляксандр Кулініч. Фота: яго сацсеткі

Аляксандра Кулініча затрымалі 29 лютага ў Брэсце. Яго абвінавацілі ў абразе Лукашэнкі. З таго часу ён знаходзіўся ў СІЗА і чакаў суда, які павінен быў адбыцца 16 красавіка. Аднак за тыдзень да яго, 9 красавіка, мужчына памёр. 

Як паведамляюць крыніцы, Аляксандр Кулініч памёр ад ішэмічнай хваробы сэрца. Прынамсі, гэтая прычына пазначаная ў заключэнні аб смерці.

У СІЗА № 7 Брэста сказалі, што зняволены з такім імем у іх знаходзіўся, але факт смерці пацвярджаць адмовіліся.

Кадры затрымання мужчыны праўладныя тэлеграм-каналы апублікавалі 1 сакавіка, піша «Вясна».

Таксама ў гэтым сюжэце паказалі каментары, за якія мужчыну прыйшлі затрымліваць з дзясятак сілавікоў у поўным абмундзіраванні.

Беларус пісаў пра акупацыю Беларусі Расіяй і выказваў падтрымку Украіне.

На сайце Вярхоўнага суда пазначана, што 16 красавіка яго павінны былі пачаць судзіць паводле ч. 1 арт. 368 КК («Абраза прэзідэнта Рэспублікі Беларусь»).

Інфармацыя пра пачатак суда над Аляксандрам Кулінічам. Скрыншот сайта court.gov.by 

Паводле інфармацыі «Люстэрка», Аляксандр Кулініч нарадзіўся ў Маладзечне 11 красавіка 1972 года (яму споўнілася б 52). Ён быў падпалкоўнік запасу, служыў у 38-й асобнай гвардзейскай дэсантна-штурмавой Брэсцкай брыгадзе ПДВ.

У апошні час быў зарэгістраваны індывідуальным прадпрымальнікам, займаўся харчовымі дабаўкамі.

Па інфармацыі крыніц «Люстэрка», цела Аляксандра Кулініча ўжо выдалі сваякам. Яго пахаваюць 11 красавіка ў родным Маладзечне.

Каментары16

  • Чаркашкварка
    10.04.2024
    Забойства. Смерць лукашыскiм забойцам.
  • Иегова
    10.04.2024
    Саша убивает.
  • Кока
    10.04.2024
    Его убили очевидно. Политическим нужно бежать, особенно тем, кто как-то примелькался или раньше состоял в каких партиях. Будет 1937 год
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Шаснаццаць градусаў. Расійскі карэспандэнт паскардзіўся, што змерз у лукашэнкаўскім палацы26

Шаснаццаць градусаў. Расійскі карэспандэнт паскардзіўся, што змерз у лукашэнкаўскім палацы

Усе навіны →
Усе навіны

Аўтару мема пра «самыя сучасныя трафікі» знайшлі новую пасаду4

«Да банка ёсць пытанні». Беларус праверыў уклад, адкрыты 17 гадоў таму на дзіця, — што пайшло не так?3

Беларус здымае відэа, як крадзе адзенне і падроблівае дакументы ў Польшчы. А як запахла смажаным, то кажа: усё дзеля лайкаў7

Валярына Кустава развітваецца з «Белсатам»22

Украіна вярнула «Байрактары» на фронт

«Я служу два дні на месяц». Беларус расказаў пра сваю службу ў арміі ЗША і заробак11

У беларуса, які пакалечыў паўтарагадовага хлопчыка ў маскоўскім аэрапорце, выявілі шызафрэнію

Шыталь адказаў Каліну: Беларус-гараджанін у Беластоку ахвотней пойдзе на канцэрт у клуб, а не паездзе слухаць народны хор7

Украінская журналістка: Здаецца, Трамп усвядоміў цану, якую мая сям’я плаціць за гэту вайну3

больш чытаных навін
больш лайканых навін

Шаснаццаць градусаў. Расійскі карэспандэнт паскардзіўся, што змерз у лукашэнкаўскім палацы26

Шаснаццаць градусаў. Расійскі карэспандэнт паскардзіўся, што змерз у лукашэнкаўскім палацы

Галоўнае
Усе навіны →

Заўвага:

 

 

 

 

Закрыць Паведаміць