«З жыцця пайшлі сапраўдныя сябры Беларусі». МЗС выказала спачуванні з прычыны гібелі прэзідэнта Ірана
Міністэрства замежных спраў Беларусі выказала спачуванні ў сувязі з гібеллю прэзідэнта Ірана Ібрахіма Раісі і міністра замежных спраў Хасэйна Аміра Абдалахіяна, а таксама іншых ахвяр катастрофы верталёта.
Будынак МЗС Беларусі. Фота: Наша Ніва
«Мы з вялікім болем успрынялі апошнія навіны з Ірана. Гэта незаменная страта не толькі для іранскага грамадства. З жыцця пайшлі сапраўдныя сябры Беларусі. Шчырыя спачуванні родным і блізкім загінулых, стойкасці і мужнасці ўсяму народу Ірана», — гаворыцца ў акаўнце МЗС у твітары (Х).
Пра катастрофу верталёта з прэзідэнтам Ірана на борце стала вядома ўчора. Верталёт упаў у іранскай правінцыі Усходні Азербайджан. Сёння пад раніцу паветранае судна была знойдзена. Ніхто не выжыў.
Каментары