У Мінску прадаецца кватэра з уласным кінатэатрам. На яе ўжо прапануюць зніжку 50 тысяч даляраў
Вялікую кватэру плошчай 166 квадратных метраў зрабілі, аб’яднаўшы дзве суседнія двухпакаёўкі. Чаго там толькі не атрымалася размясціць.
Знаходзіцца VIP-кватэра на вуліцы Стадыённай у Мінску — ЖК «Віленскі маёнтак». Жылая плошча — 124 «квадраты». Ёсць тры ізаляваныя пакоі (трохі дзіўна выглядае рашэнне пры такой колькасці метраў ставіць у дзіцячым пакоі двух'ярусны ложак), дзве ванныя, кухня-гасцёўня, тры лоджыі, дзве гардэробныя і нават пральная.
Для небюджэтнага аздаблення выкарыстоўвалі натуральнае дрэва, дэкаратыўную цэглу, паркетную дошку з сібірскага дубу. Будучаму ўласніку гарантуюць, што летнія адключэнні гарачай вады яго турбаваць не будуць — бойлер у наяўнасці.
Але галоўнай фішкай кватэры называюць дамашні кінатэатр, які знаходзіцца ў вялікай гасцёўні, аб’яднанай з кухняй. Дастаткова толькі націснуць кнопку на тэлефоне ў спецыяльным мабільным дадатку — і ён запусціць сцэнарый «кінатэатр»: хутка зацягнуцца шчыльныя чорныя шторы, якія аддзяляць вялізную канапу ад кухні, а экран, які высоўваецца, перакрые смарт-тэлевізар. Вядома, ёсць і праектар, і якасная гукавая сістэма. Абяцаюць эфект поўнага пагружэння ў любыя блокбастары.
Хутка знайсці пакупніка для элітнай нерухомасці не атрымліваецца, таму прадавец ужо прапануе зніжку ў 50 тысяч даляраў. Новая цана — 300 тысяч даляраў. У беларускіх гэта прыкладна 950 тысяч рублёў.
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары