U Minsku pradajecca kvatera z ułasnym kinateatram. Na jaje ŭžo prapanujuć źnižku 50 tysiač dalaraŭ
Vialikuju kvateru płoščaj 166 kvadratnych mietraŭ zrabili, abjadnaŭšy dźvie susiednija dvuchpakajoŭki. Čaho tam tolki nie atrymałasia raźmiaścić.
Znachodzicca VIP-kvatera na vulicy Stadyjonnaj u Minsku — ŽK «Vilenski majontak». Žyłaja płošča — 124 «kvadraty». Jość try izalavanyja pakoi (trochi dziŭna vyhladaje rašeńnie pry takoj kolkaści mietraŭ stavić u dziciačym pakoi dvuchjarusny łožak), dźvie vannyja, kuchnia-haścioŭnia, try łodžyi, dźvie harderobnyja i navat pralnaja.
Dla niebiudžetnaha azdableńnia vykarystoŭvali naturalnaje dreva, dekaratyŭnuju cehłu, parkietnuju došku ź sibirskaha dubu. Budučamu ŭłaśniku harantujuć, što letnija adklučeńni haračaj vady jaho turbavać nie buduć — bojler u najaŭnaści.
Ale hałoŭnaj fiškaj kvatery nazyvajuć damašni kinateatr, jaki znachodzicca ŭ vialikaj haścioŭni, abjadnanaj z kuchniaj. Dastatkova tolki nacisnuć knopku na telefonie ŭ śpiecyjalnym mabilnym dadatku — i jon zapuścić scenaryj «kinateatr»: chutka zaciahnucca ščylnyja čornyja štory, jakija adździalać vializnuju kanapu ad kuchni, a ekran, jaki vysoŭvajecca, pierakryje smart-televizar. Viadoma, jość i prajektar, i jakasnaja hukavaja sistema. Abiacajuć efiekt poŭnaha pahružeńnia ŭ lubyja błokbastary.
Chutka znajści pakupnika dla elitnaj nieruchomaści nie atrymlivajecca, tamu pradaviec užo prapanuje źnižku ŭ 50 tysiač dalaraŭ. Novaja cana — 300 tysiač dalaraŭ. U biełaruskich heta prykładna 950 tysiač rubloŭ.
Ciapier čytajuć
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom1
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary