Грамадства6767

Наталля Радзіна: Я не бачыла нічога больш бессэнсоўнага і вартага жалю, чым выбары ў Каардынацыйную раду

Галоўная рэдактарка «Хартыі-97» рэзка раскрытыкавала выбары ў КР і прайшлася па многіх гульцах палітычнага поля.

Фота: сацыяльныя сеткі

«Нічога больш бессэнсоўнага і вартага жалю, чым так званыя выбары ў «каардынацыйную раду», я за 25 гадоў працы незалежным журналістам, мабыць, не бачыла. Такая бессаромная прафанацыя адбылася ўпершыню. 6700 тых, хто галасаваў за ўдзельнікаў гэтага фарсу з амаль 7 мільёнаў беларускіх выбаршчыкаў, з якіх не менш за 500 тысяч знаходзяцца за мяжой, велічыня на мяжы хібнасці. Беларусы папросту праігнаравалі гэтае бяздарнае тэатральнае дзейства, гэты парад чужых славалюбстваў і жадання пагуляць у «палітыку», седзячы ў бяспечнай эміграцыі», — мяркуе Радзіна.

Яна прайшлася і па Офісе Святланы Ціханоўскай: «За апошнія чатыры гады правальнай дзейнасці офіса Ціханоўскай і яго структур, стала ясна, што гэтыя людзі не хочуць ні працаваць, ні перамагаць. Іх мэта — імітаваць бурную дзейнасць, надзімаць шчокі і «мыльныя бурбалкі» ў выглядзе нерэалізуемых праектаў накшталт перамоваў з уладай або «пашпартоў новай Беларусі», займацца палітычным турызмам і пладзіць бюракратыю, прыкрываючыся нібыта народнай падтрымкай».

Радзіна перакананая, што палітыкам не цікавыя рэальныя праблемы беларусаў:

«Галоўнае — з важным выглядам ездзіць на машынах з асабістым кіроўцам і аховай, як гэта робяць Ціханоўская і Латушка. Або пускаць пыл у вочы заходнім палітыкам, як Кавалеўскі і Астапенка, якія да гэтага рабілі гэта ў лукашэнкаўскім МЗС. Або падстаўляць людзей небяспечным і ўразлівым планам «Перамога», як гэта робіць падпалкоўнік ГУБАЗіК Азараў. Або імітаваць актыўнасць, але так і не стварыць ва Украіне ніводнага рэальнага беларускага падраздзялення, як падпалкоўнік Сахашчык».

Пра асобу Паўла Латушкі Радзіна ўдакладніла: на яе думку, ён можа не прайсці люстрацыю ў новай дэмакратычнай Беларусі за ранейшую супрацу з лукашэнкаўцамі.

Журналістка фармулюе, на чым трэба засяродзіцца эміграцыі: на дапамозе і падтрымцы сем'яў палітвязняў і ўцекачоў, інфармацыйнай працы і контрпрапагандзе, развіцці нацыянальнай самаідэнтыфікацыі беларусаў, падтрымцы добраахвотнікаў і ветэранаў вайны ва Украіне, лабіраванні сур'ёзных і адчувальных санкцый супраць рэжыму Лукашэнкі за парушэнне правоў чалавека.

Каментары67

  • Цьху
    07.06.2024
    А я не бачыў нічога больш бессэнсоўнага і вартага жалю, чым цэнзура на саўковы манер на сайце«Хартыі-97».
  • Радзінай
    07.06.2024
    Хартыя - гэта парад чужых славалюбстваў і жадання пагуляць у «палітыку», седзячы ў бяспечнай эміграцыі.
  • бабруйчанін
    07.06.2024
    ???..."х..я97" Радіна???.."..х..я97" 27 год
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2

Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў

Усе навіны →
Усе навіны

«Адправілі, як бандэроль па пошце». Маляваныч вярнуўся ў Польшчу з Грузіі3

ChatGPT налічыў на адным са здымкаў з Плошчы Незалежнасці 23 жніўня 2020 года 134 тысячы чалавек11

Галоўны трэнер «Нёмана»: Караеву дзякуй, а пі***сам, якія засмуціліся, прывітанне! Няхай вып'юць за нас і падавяцца!12

Аўтобус з Вільні ў Мінск не прапусцілі праз мяжу, пасажыры дабіраліся самі 

Былы віцэ-прэм'ер Русы назваў Аляску рускай зямлёй18

Саміт на Алясцы: пазітыўны, негатыўны і іншыя сцэнары для Украіны7

Сярэдняя цана метра ў Мінску — 1754 даляры

Як спецслужбы ЗША рыхтуюць сустрэчу Трампа і Пуціна на Алясцы1

Мінчук не верыў, што маці не можа хадзіць, і жорстка забіў яе. Родныя раней ужо выклікалі на яго міліцыю2

больш чытаных навін
больш лайканых навін

Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2

Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў

Галоўнае
Усе навіны →

Заўвага:

 

 

 

 

Закрыць Паведаміць