Міністэрства абароны Беларусі 11 чэрвеня паведаміла пра візіт сербскай дэлегацыі ў размяшчэнне 38-й асобнай гвардзейскай дэсантна-штурмавой брыгады. Гэтае наведванне вайсковай часці арганізавалі ў рамках Венскага пагаднення 2011 года «Аб мерах умацавання даверу і бяспекі», сербскія вайскоўцы прадстаўляюць АБСЕ.
У Мінабароны адзначылі, што гэта першае верыфікацыйнае мерапрыемства на беларускай тэрыторыі за апошнія чатыры гады. Сутнасць візіту зводзіцца да праверкі даных аб вайсковым злучэнні, якія падаюцца беларускім бокам на штогадовай аснове, і ацэнкі іх адпаведнасці бягучаму стану ды дзейнасці брыгады.
Пасля справаздачу пра свой афіцыйны візіт сербскі бок абавязаны будзе накіраваць усім дзяржавам — членам АБСЕ.
Сербія — адна з нямногіх еўрапейскіх краін, якая ў сітуацыі развязанай Расіяй пры садзейнічанні рэжыму Лукашэнкі вайны з Украінай імкнецца захаваць добрыя адносіны з Пуціным і Лукашэнкам і працягваць з імі супрацоўніцтва.
Цяпер чытаюць
Пракуратура пра смерць Мелказёрава: журналіст меў хранічную хваробу11
Каментары