Нядаўна ў сеціве з'явіліся фоты, як качка выседжвае сваіх птушанят проста на клумбе ў дворыку каля будынка Сбербанка ў цэнтры горада. Гэта той знакаміты будынак, які першапачаткова планаваўся пад гатэль «Кемпінскі», але не зраслося. Нягледзячы на сумневы скептыкаў, птушцы сваю задачу выканаць паспяхова ўдалося.
Супрацоўнікі банка паклапаціліся, каб качцы, якая загнездавалася ў такім нечаканым месцы, па магчымасці ніхто не замінаў. Гняздо абнеслі ахоўнай стужкай і нават прыносілі птушцы туды ваду і ежу. Качка нават атрымала мянушку — Капейка.
На дзіва, увесь час наседжвання птушку ніхто не патрывожыў, і цяпер у сеціве з'яўляюцца ўжо відэа, як яна разам з маленькімі качанятамі плавае на Свіслачы.
У той жа час «Анлайнер» піша і пра іншы падобны выпадак: адна з птушак вырашыла гадаваць птушанят у скверы Вайніловіча, што побач з Чырвоным касцёлам і Домам урада.
Здымкі ў рэдакцыю прыслала чытачка, якая піша, што, акрамя качанят, у невялікім вадаёме сквера гадуюцца і птушаняты чаек. Прытым месца тут люднае, дзяцей рэгулярна водзяць на экскурсіі ў Музей кіно, які ў суседнім будынку. І калі дарослыя за імі не сочаць, то школьнікі з задавальненнем лезуць у ваду і ганяюць птушак, што, відаць, не надта для іх камфортна.
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары
В фольклоре утка часто символизирует невесту, а селезень — жениха. Оберег-утицу дарили на новоселье, считалось, что он помогал сохранить домашнее тепло и благополучие.Приметы и поверья:
Если утка встретилась в неожиданном месте — ждать скорой прибыли.
Увидеть утку с утятами — настоящий знак судьбы, сулящий удачу и щедрые дары."