Лукашэнка падпісаў закон, які абавязвае беларусаў за мяжою інфармаваць улады пра важныя змены ў жыцці — шлюб, нараджэнне дзіцяці
Аляксандр Лукашэнка 8 ліпеня падпісаў закон, які абавязвае беларусаў інфармаваць дзяржаўныя органы пра рэгістрацыю актаў грамадзянскага стану адносна сябе і сваіх няпоўнагадовых дзяцей у замежных дзяржавах.
Сярод іншага зменамі ўводзіцца патрабаванне «інфармавання грамадзянамі Рэспублікі Беларусь кампетэнтных органаў сваёй дзяржавы пра рэгістрацыю актаў грамадзянскага стану адносна сябе і сваіх няпоўнагадовых дзяцей у замежных дзяржавах».
Такім чынам, згодна з Грамадзянскім кодэксам, беларусы за мяжою абавязаны паведамляць уладам пра нараджэнне, заключэнне шлюбу, скасаванне шлюбу, устанаўленне мацярынства і бацькоўства, усынаўленне ці ўдачарэнне, смерць, змену прозвішча і г. д.
Асноўныя палажэнні закона набываюць моц 1 студзеня 2025 года.
У верасні 2023 года Лукашэнка падпісаў указ №278 «Аб парадку выдачы дакументаў», які сурʼёзна ўскладніў жыццё беларусам, якія жывуць за мяжой. Цяпер беларусы не могуць мяняць пашпарты за мяжой і не могуць да вяртання ў краіну распараджацца сваёй маёмасцю ў Беларусі.
Каментары