Кіраўніка выбарчай камісіі, якая ў 2020 фальсіфікавала выбары, судзяць за хабар. Яму пагражае да 10 гадоў
Валерый Радчанка некалькі разоў быў у выбарчых камісіях, а ў 2020-м годзе на ягоным участку №34 выбары былі яўна сфальсіфікаваныя. Цяпер яго судзяць — але за іншае.
Валерыю Радчанка 65 гадоў. Ягонае імя з'явілася ў раскладах судоў — з дапамогай праекта Digital intelligence team і базаў «Кіберпартызанаў», мы пацвердзілі, што гэта менавіта ён.
Радчанка працаваў на прадпрыемстве «Макрадор» з 90-х. Пачынаў інжынерам і дарос да намесніка дырэктара па камерцыйных пытаннях. Гэта вельмі буйное прадпрыемства, якое вырабляе будаўнічыя матэрыялы, спецыялізуецца на асфальтабетонных сумесях.
Радчанка быў у выбарчых камісіях як мінімум тройчы — у 2018, 2019 і 2020 гадах. У 2020-м ён узначальваў камісію №34 у мінскіх Шабанах. Згодна з інфармацыяй з платформы «Голас», выбары там былі сфальсіфікаваныя — за Святлану Ціханоўскую пра прагаласаваў 341 чалавек (з фота — 173), а ў выніковым пратаколе было ўсяго 162 галасы ў яе падтрымку.
Суд над Радчанкам пачаўся ўчора. Яго вінавацяць у «атрыманні хабару ў буйным памеры» (ч. 2 арт. 430 КК). Яму пагражае ад трох да дзесяці гадоў калоніі.
«Наша Нiва» — бастыён беларушчыны
ПАДТРЫМАЦЬПакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома15
Каментары