Новы лайфхак ад беларусаў, як не стаяць суткамі ў чарзе на мяжы з Еўрасаюзам
Велізарныя чэргі з аўтобусаў на беларуска-польскай мяжы прымушаюць людзей прыдумляць новыя схемы, як не сядзець па 30 і болей гадзін у аўтобусе.
Калі не звяртацца да рознага кшталту хітрыкаў, праходжанне беларуска-польскай мяжы займае ад 1 да 2 сутак.
Даволі папулярны спосаб не стаяць суткамі на спёцы — перасесці ў аўтобусы, якія стаяць бліжэй да заезду за шлагбаум. Калі пашчасціць, можна падсесці ў трэці-пяты аўтобус, а калі чэргі вельмі вялікія, то ў сёмы-дзясяты ад шлагбаума.
Звычайна кіроўцы бяруць па 40-50 еўра з чалавека. Але такія лайфхакі працуюць не заўжды, бо часам з рэйдамі на мяжу наведваюцца супрацоўнікі транспартнай інспекцыі. Падчас праверак кіроўцы не бяруць новых пасажыраў, нават калі ёсць шмат вольных месцаў, і адпраўляюць усіх ахвотных на вакзал.
Новы варыянт — з цягніком
Мінчукі, якія днямі ехалі з беларускай сталіцы ў Варшаву, дзейнічалі наступным чынам.
Людзі прыязджалі на мінскі вакзал перад адпраўленнем аўтобуса, адзначаліся ў кіроўцы, але ў аўтобус не сядалі. Вярталіся дадому, наступным днём выязджалі на цягніку з Мінска ў Брэст, і ў Брэсце падсаджваліся ў аўтобус.
Пасажыры, якія ехалі адразу з Мінска, правялі 30 гадзін у чарзе перад тым, як даехаць да мытнага кантролю на беларускім баку. Праходжанне мяжы агулам заняло 34 гадзіны.
Але, як кажуць відавочцы, каля паловы пасажыраў не сядзелі ўвесь час у аўтобусе, а прыехалі цягніком з Мінска значна пазней, дзякуючы чаму правялі папярэднія суткі дома, а не ў дарозе.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый2
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1010
Каментары