«Усё, што цяпер адбываецца, гэта здрада. Здраднікі сядзяць у Крамлі». У Расіі ўзбунтаваўся Z-блогер
Z-блогер з больш за 300 000 падпісантамі «Трынаццаты» (Ягор Гузенка) запісаў тры відэазвароты ў сваім тэлеграм-канале, у якіх рэзка выказаўся ў дачыненні да Крамля і цяперашняй расійскай улады, а таксама ўскосна пра Пуціна, піша Astra.
«Калі б 10 гадоў таму адзін дзядуля не абасраўся і пайшоў бы, як гаворыцца, па-чэснаму на*уй, а не ў ціхую 10 гадоў таму, то ўсёй бы гэтай ху*ні не было б, а цяпер вы нас саджаеце і забіваеце», — сказаў у сваім відэазвароце «Трынаццаты».
Ён дадаў, што
«ўсё, што цяпер адбываецца, гэта здрада. Здраднікі сядзяць у Крамлі. Усё, кропка».
Паводле «Трынаццатага», улады прыбіраюць нязручных, саджаючы па турмах, у тым ліку Ігара Стралкова (Гіркіна). Гузенка кажа, што здраднікі захапілі краіну, а казаць гэта яму не страшна, таму што ўвесь народ пасадзіць немагчыма.
Нягледзячы на гэта, каманда блогера выдаліла запісы і апублікавала галасавое паведамленне, у якім патлумачыла эмацыйнасць Гузенкі ягонай «народнасцю» і што ён «чалавек-бура і эмоцыя».
«Давайце будзем аб'ектыўныя — хто з нас, седзячы на кухні з сям'ёй, не нагаварыў такога, што можа дыскрэдытаваць каго-небудзь наогул», — заявіла адміністрацыя канала, адзначыўшы, што Гузенка пазней можа выказацца інакш.
Ягор Гузенка ваяваў на Данбасе з 2014 года, а таксама ў 2019-м у Сірыі. Да моманту пачатку вайны ва Украіне быў пад хатнім арыштам за тое, што стрэліў мужчыну ў твар светлашумавым патронам з аэразольнага пісталета «Піянер», а пазней за выкарыстанне светлашумавых у паветра.
6 сакавіка 2022 года ён зрэзаў электронны бранзалет, з дапамогай якога яго магла адсачыць Федэральная служба выканання пакаранняў, дамовіўся праз знаёмых у «ДНР», што прыедзе да іх, і збег на вайну з Украінай.
З тых часоў ён спрабуе афіцыйна адправіцца ваяваць ад Мінабароны РФ, але яму ў гэтым адмаўляюць праз крымінальную справу.
Цяпер чытаюць
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты8
Каментары