«Маё сумленне чыстае». Пратасевіч тройчы падкрэсліў гэта ў эфіры Беларускага радыё
Былы рэдактар Нехта прызнаўся, што раней яму было крыўдна чытаць артыкулы пра сябе ў «апазіцыйных медыя». А потым, маўляў, ён перастаў звяртаць на гэта ўвагу — бо сумленне чыстае.
У праграме «Актуальны мікрафон» на Беларускім радыё Пратасевіча запыталіся, ці не страшна яму было ехаць на адпачынак за межы Беларусі.
«Ёсць сэнс нечага баяцца, калі здзейсніў нейкае злачынства, зрабіў нешта страшнае і гэтак далей. А маё сумленне чыстае. Мне баяцца няма за што», — адказаў ён.
Былы рэдактар Нехта прызнаўся, што раней яму было крыўдна чытаць артыкулы пра сябе ў «апазіцыйных медыя». А потым, маўляў, ён перастаў звяртаць на гэта ўвагу, адзначыў Пратасевіч і дадаў зноў: «І за што мне перажываць, калі маё сумленне чыстае?»
Вядучая звярнула ўвагу на тое, што Пратасевічу могуць захацець адпомсціць «калегі па журналісцкім цэху з апазіцыйных медыя» ці простыя беларусы, якія «збеглі з краіны ў 2020-м».
«Вы паўплывалі на жыцці шмат каго з людзей», — звярнула ўвагу вядучая.
У сваім адказе Пратасевіч пагадзіўся, што быў «адным з арганізатараў». Аднак, па яго словах, «кожны чалавек так ці інакш прымаў пэўныя рашэнні, якія змянілі яго лёс. Гэта тое самае, як казалі, што праз палітыку ў 2020-м годзе распалася вельмі шмат сем'яў. Дык гэтыя сем'і распаліся не праз палітыку, а гэта была адна з нагодаў. Гэта азначае, што ў сем'ях і так усё было, мякка кажучы, не гладка. І гэтаксама з чалавечымі лёсамі і жыццямі», — стаў тлумачыць Пратасевіч і згадаў у трэці раз пра сваё нібыта чыстае сумленне:
«І тут пытанне ў тым, што, па-першае, я зноў падкрэслю, што маё сумленне чыстае».
Ну а па-другое, па словах былога апазіцыянера, а цяпер электразваршчыка, ён гатовы да размовы, калі да яго ёсць нейкія прэтэнзіі.
Чытайце. Каго і чаму здаў Раман Пратасевіч. Гэта гісторыя пра тое, як адно фота можа змяніць усё жыццё. Многа жыццяў
Цяпер чытаюць
Без песняў Меладзэ і ў форме: як пройдуць выпускныя ў школах і дзіцячых садках3
Каментары
И да, человек покатился, понаклонной, вниз.