У Францыі з-за скарачэння сусветнага попыту на віно знішчаць частку вінаграднікаў
Францыя, якая з'яўляецца найбуйнейшым вытворцам віна ў свеце, атрымала ад Еўрасаюза 120 млн еўра на знішчэнне часткі вінаграднікаў у краіне ў сувязі са скарачэннем сусветнага попыту на гэты напой, паведамляе Bloomberg.
Міністэрства сельскай гаспадаркі Францыі заявіла, што Еўрапейская камісія зацвердзіла фінансаванне на высяканне вінаграднікаў па стаўцы 4 тысячы еўра за гектар.
Усяго на гэтыя мэты будзе выдзелена 120 млн еўра, што азначае скарачэнне каля 30 тысяч гектараў вінаграднікаў, што складае прыблізна 4% ад агульнай плошчы вінаграднікаў у краіне.
«Сітуацыя ў вінаробным сектары сапраўды выклікае занепакоенасць: прагназуецца рэзкае скарачэнне ўраджаю з-за змены клімату, падзення спажывання віна і вельмі высокай канкурэнцыі», — паведамляе Міністэрства сельскай гаспадаркі Францыі.
Адзначаецца, што сусветнае спажыванне віна працягвае зніжацца, а ўзровень вытворчасці ў мінулым годзе дасягнуў мінімуму за апошнія 60 гадоў.
У Францыі агульная плошча вінаграднікаў складае 789 тысяч гектараў, што складае 11% ад сусветнай плошчы вінаграднікаў.
Чакаецца, што вытворчасць віна ў краіне сёлета знізіцца да 40-43 мільёнаў гекталітраў (у 2023 годзе было 48 млн).
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
ні хрэна сабе яны там грошы піляць