Камандзір экіпажа самалёта авіякампаніі Turkish Airlines памёр падчас рэйса з Сіэтла ў Стамбул. Праз гэта паветранаму судну давялося зрабіць экстранную пасадку ў Нью-Ёрку, піша Euronews.
«Ільчэхін Пехліван, капітан-пілот нашага самалёта Airbus 350 з бартавой рэгістрацыяй TC-LGR, які выконваў рэйс № TK204 паміж Сіэтлам і Стамбулам, страціў прытомнасць падчас палёту, — паведаміў падрабязнасці інцыдэнту прэс-сакратар авіякампаніі Ях'я Усцюн. — Калі першае медыцынскае ўмяшанне не дало вынікаў, экіпаж прыняў рашэнне зрабіць экстранную пасадку, але наш капітан памёр да прызямлення».
Пілоту, які працаваў у Turkish Airlines з 2007 года, было 59 гадоў. Паводле слоў Усцюна, у сакавіку мужчына прайшоў агляд у авіяцыйным медыцынскім цэнтры, і ў яго не было выяўлена ніякіх праблем са здароўем, якія перашкаджаюць выкананню ім сваіх абавязкаў.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока1
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары