У сераду ўвечары ў паліцыю Віленскай акругі паступіла паведамленне пра тры метэазонды з кантрабандай, піша Delfi.lt.
Ілюстрацыйнае фота VSAT
Паліцыя інфармавала, што першае паведамленне паступіла ў 22:12. У Шырвінцкім раёне ў двор да мужчыны прыляцеў белы метэазонд з грузам. Унутры былі кантрабандныя цыгарэты. У 22:38 паступіла паведамленне, што на поўдні Вільні, у Ніжніх Панярах, у двор да мужчыны прыляцеў белы метэазонд з нелегальнымі цыгарэтамі.
У 22:52 у паліцыю паведамілі пра такі ж лятучы аб'ект у цэнтры Вільні, на паркоўцы каля гандлёвага цэнтра CUP. У скрынках таксама былі знойдзены цыгарэты.
Акалічнасці гэтых выпадкаў высвятляе паліцыя. Апошнім часам пачасціліся выпадкі такой кантрабанды, нядаўна такі зонд упаў у Віленскім аэрапорце.
У загінулай у Сляпянцы дзяўчыне апазналі Яну Кастранкову2
Каментары
Адшукаць можна, калі ён будзе з тэлефонам або GPS-маяком, які перадае свае каардынаты. Але гэта мае здагадкі. Як насамрэч, у навінах не пісалі.