Галоўнага трэнера футбольнай зборнай Казахстана аштрафавалі за непавагу да казахскай мовы
Галоўнага трэнера зборнай Казахстана расіяніна Станіслава Чарчэсава аштрафавалі на 738,4 тыс. тэнге (каля 1650 даляраў) з-за ягонай спробы пажартаваць пра казахскую мову. Зрабілі гэта «ў рамках этычнага рэгламенту».
Станіслаў Чарчэсаў 13 кастрычніка пасля пройгрышу зборнай Славеніі ў Лізе нацый (0:1) адказаў журналісту ў футболцы клуба «Пары Сен-Жэрмен», які задаў пытанне на казахскай, ці не на французскай ён гаворыць.
На гэты інцыдэнт адрэагавала Міністэрства турызму і спорту краіны, якое запатрабавала тлумачэнняў.
У Федэрацыі футбола Казахстана патлумачылі, што гэта, маўляў, быў жарт, а Чарчэсаў нібыта з вялікай павагай ставіцца да казахскай мовы і актыўна яе вывучае. Тым не менш, штраф на яго наклалі:
«Ёсць памылкі, мы толькі ўчора пра гэта гаварылі з журналістамі. Гумар Чарчэсава, вядома, выходзіць за рамкі. Я асабіста перагаварыў з ім, патлумачыў актуальнасць і прыярытэт дзяржаўнай мовы. Мы правялі з ім гутарку, працу. Яму выстаўлены штраф», — сказаў кіраўнік Казахстанскай федэрацыі футболу Адлет Барменкулаў.
Чарчэсаў трапляе ў такую сітуацыю ўжо не першы раз. У чэрвені на зададзенае на казахскай мове пытанне ён прапанаваў адказаць па-асецінску. Сам ён родам з Паўночнай Асеціі, а трэніруе казахстанскую зборную з чэрвеня.
Раней ён быў вядомы як футбаліст, які ў 1990-я гады з'яўляўся адным з асноўных галкіпераў расійскай зборнай. Пасля ў 2016-2021 гадах ён кіраваў зборнай Расіі як трэнер.
Цюркскія дзяржавы дамовіліся пра адзіны лацінскі алфавіт. Убаку толькі Кыргызстан
Некалькі краін былога СССР самастойна зацвердзяць нацыянальныя алфавіты на базе агульнацюркскага
Беларусь згуляла ўнічыю з Люксембургам
Беларуская футбольная «маладзёжка» скончыла адборачны турнір да ЧЕ паразай ад Фарэрскіх астравоў
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію1
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6666
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне66
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары
Тлумачыць трэба ...