Лукашэнка хоча пабудаваць хуткасную магістраль ад Масквы да Берліна
Тэму будаўніцтва хуткаснай магістралі Лукашэнка збіраецца абмеркаваць з Пуціным.
Амбіцыйнымі планамі Аляксандр Лукашэнка падзяліўся 21 кастрычніка на нарадзе па пытаннях развіцця аўтамабільных дарог і транспартнай інфраструктуры.
Лукашэнка зазначыў, што дамовіўся з Пуціным абмеркаваць будаўніцтва хуткаснай магістралі Масква — Брэст, піша БелТА.
«З прэзідэнтам Расіі Уладзімірам Пуціным мы дамовіліся, што хуткім часам абмяркуем пытанні будаўніцтва хуткаснай магістралі праз Беларусь з Масквы на захад. Да Брэста прынамсі. Калі заходнікі захочуць у гэтым удзельнічаць, будзем да Берліна працаваць. Не — да Брэста і ў зваротным кірунку на ўсход. Гэта, можна сказаць, ужо пытанне вырашанае», — заявіў Лукашэнка.
Ён таксама даручыў спраектаваць хуткасныя чыгуначныя лініі да гарадоў-спадарожнікаў Мінска, да якіх адносяцца Дзяржынск, Заслаўе, Лагойск, Смалявічы, Фаніпаль і пасёлак Рудзенск.
«Нам трэба падумаць аб будаўніцтве больш хуткасных, незалежных ад аўтамабільных дарог, участкаў. Я не думаю, што гэта зойме шмат часу ці вялікія грошы спатрэбяцца», — мяркуе Лукашэнка.
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары
Подсказываю ещё одну - отмена роуминга с рашкой!