У Польшчы ёсць свае сёстры Груздзевы — сёстры Гадлеўскія ВІДЭА
Дзяўчаты праславіліся знешнім выглядам і выкананнем кавераў не толькі на вядомыя песні, але і гімн Польшчы.
Малгажата (Гося) і Эсмеральда (Моніка) у 2018-2019 гадах былі вельмі папулярныя ў Польшчы. На іх гісторыю звярнулі ўвагу аўтары ютуб-шоу «О(б)суждаем».
Вядома, што дзяўчаты нарадзіліся ў шматдзетнай сям'і. Яны маюць яшчэ трох сясцёр і траіх братоў. Шлях да папулярнасці пачаўся ў канцы 2017 года, калі Малгажата выканала адну з песень Селін Дыён і выклала запіс у сацыяльных сетках. Пазней яна працягнула рабіць каверы на іншыя песні разам са сваёй сястрой Эсмеральдай, якая да гэтага ўжо спрабавала прабіцца ў шоу-бізнэс.
Эсмеральда, напрыклад, прымала ўдзел у шоу Ex na plaży — польскай версіі папулярнага брытанскага рэаліці-шоу Ex on the Beach. У шоу Эсмеральда прэзентавала сябе як «упэўненую ў сабе разведзеную жанчыну, якая цвёрда стаіць на нагах і любіць маніпуляваць мужчынамі».
Сёстры выпусцілі некалькі сумесных трэкаў. Сярод іх — віншаванне з днём нараджэння прэзідэнта Польшчы Анджэя Дуды. Пры сумнеўных вакальных даных жанчыны звярталі на сябе ўвагу пластыкай твару. У гэтым іх кансультавала старэйшая сястра Магдалена.
Неўзабаве дзяўчаты пачалі з'яўляцца на варшаўскіх свецкіх мерапрыемствах, удзельнічаць у ранішніх шоу і іншых тэлевізійных праграмах, пашыраючы сваю аўдыторыю.
У 2018 годзе сёстры Гадлеўскія анансавалі свае першыя канцэрты па ўсёй Польшчы. Але ні адзін з іх не адбыўся. Пазней яны анансавалі выступ з сімфанічным аркестрам пад кіраўніцтвам знакамітага нямецкага кампазітара і музычнага прадзюсара Ханса Цымера. Але далей за размовы справа не пайшла.
Дуэт Малгажаты і Эсмеральды існаваў да 2019 года, пакуль паміж сёстрамі не адбыўся канфлікт.
Як пісалі польскія СМІ, Гадлеўскія павінны былі ляцець у Амстэрдам на канцэрт, але пасварыліся ў варшаўскім аэрапорце імя Шапэна. Яны прыехалі туды п'яныя. Невядома, як іх пусцілі на борт самалёта, але там яны чапляліся да пасажыраў і тузаліся адна з адной. У выніку пілот развярнуў самалёт з узлётнай паласы. Сясцёр знялі з борта, і пазней яны мусілі выплаціць штраф.
Пасля гэтага сумесныя выступленні сясцёр скончыліся. Эсмеральда (Моніка) пачала ўдзельнічаць у фрык-бойках. У 2021 годзе яна адкрыта расказала пра сваю барацьбу з дэпрэсіяй: з-за сур'ёзнай залежнасці ад лекаў і алкаголю ёй давялося лячыцца ў псіхіятрычнай бальніцы. Але ўдзел у фрык-бойках дапамог росту яе папулярнасці. Сёння Instagram-акаўнт Эсмеральды мае амаль паўмільёна падпісчыкаў.
Малгажата яшчэ спрабавала працягваць спяваць. Яна нават запісала кліп, у якім выканала гімн Савецкага Саюза. Пазней дзяўчына закончыла Варшаўскі медыцынскі ўніверсітэт і некалькі гадоў працавала медсястрой. У 2021 годзе яна нават была адзначана міністрам аховы здароўя Польшчы за ўклад у барацьбу з пандэміяй. Аднак праз некаторы час жанчына паведаміла, што яе звольнілі.
У сакавіку 2023 года Эсмеральда заявіла аб знікненні Малгажаты. Дзякуючы ўмяшанню паліцыі, дзяўчына была знойдзена. Увосень 2023 года Малгажата апублікавала фатаграфію, якая сведчыць аб яе вяртанні ў сферу аховы здароўя.
Сёстры Груздзевы прапануюць артыстаў, якія не падтрымаюць Лукашэнку ў 2025-м, штрафаваць на 500 тысяч еўра ці саджаць у турму
«Трэнер нядаўна вярнуўся з Данбаса, наш пацан». Дзе і з кім трэніруюцца Лебедзева, Ланская і іншыя лукашысты
«Хейту ў маім жыцці было шмат». Што за дзяўчына здымае беларускіх артыстаў і папулярнае беларускае ютуб-шоу «О(б)суждаем»
Цяпер чытаюць
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука1
Каментары
Розніца толькі ў тым, што ў Польшчы гэта не пракаціла.
Нармальная патрыятычная прапольская, антысавецкая пазіцыя. "Дзякуй СССР, што разваліўся".