«Быццам наш горад, і не наш». Расійская нацыяналістка пабывала ў Гродне і не хавае абурэння
Расіянка Эвеліна Азаева, вядомая як прапагандыстка, пісьменніца і расійская нацыяналістка, пабывала на экскурсіі ў Беларусі. Свае ўражанні яна апісала ў сацсетцы, і яе пост набраў ужо сотні рэакцый ды мноства каментароў, піша Katolik.life, зрабіўшы вытрымкі з яе аповеду.
«Вярнулася з Гродна. Як у Польшчы пабывала… Хадзіла са сцятымі вуснамі. Быццам наш горад, і не наш», — піша расійская прапагандыстка.
«Горад прыгожы […] але няверны. Касцёлаў процьма… Я ў галоўны зайшла, у цэнтры, паслухала казанне. Панядзелак, а сабор запоўнены. Гэта значыць, насельніцтва рэлігійнае (як і ў Польшчы). Па статыстыцы, 70% гродзенцаў называюць сябе вернікамі.
Пропаведзь была ў прынцыпе добрая. Што нельга браць што дрэнна ляжыць, трэба прызнаваць віну, мець сумленне і сэрца. Але гаварыў святар я не зразумела на якой мове. Месцамі я наогул не разумела, і ў гаворцы было шмат «ш» і «ж». Думаю, гэта польская. Але потым ён пераходзіў на рускую».
Таксама расіянку абурыла карціна са Стэфанам Баторыем — каралём польскім і вялікім князем літоўскім, які памёр у Гродне. Азаевай не спадабалася, што да яго «на каленях паўзуць рускія паслы, міру прасіць, тлумачэнне — на англійскай мове, каб замежныя турысты бачылі».
Турыстка адзначыла, што Мінск ёй падабаецца больш, бо гэта «савецкі горад», і звярнула ўвагу на тое, што ў беларускім грамадстве ёсць падзел. Яна была незадаволеная тым, што «нямала» беларусаў гавораць на беларускай мове, назваўшы іх «абдуранымі»:
«З такімі таксама сустракалася. Па-беларуску толькі чэшуць (абы не па-руску). Сардэчныя, ветлівыя, але адказваюць толькі на мове. Так, таксама «язык» мовай называюць».
У далейшай дыскусіі Азаева заявіла каментатару з Беларусі, што «вы і самі рускія», і што, маўляў, «вялікарускі народ уключае ў сябе беларусаў і ўкраінцаў».
«Тое, што я руская, было відаць адразу». Турыстка з Масквы паскардзілася, што яе выгналі з касцёла ў Беларусі
«Беларусы — тыя ж рускія, проста не ўсе яшчэ зразумелі». Як беларусы пад бел-чырвона-белым і расійскім сцягамі ўдзельнічаюць у тыкток-батлах
Амерыканка расказала, як выкладала ва ўніверсітэце ў Віцебску і нават дала пару ўрокаў міліцыі
«Паколькі Расійская імперыя ёсць пустка, залітая гаўном, то мы можам толькі з гэтай пусткі вырывацца»
Цяпер чытаюць
Бацька са Слуцка папрасіў дзяржаву забраць яго дзяцей дзеля аднаўлення маральных сіл1
Каментары