На нарадзе ў Лукашэнкі сёння гаворка ішла не пра тое, што заяўлена?
Звярнулі ўвагу, што на нарадзе, прысвечанай «замежнаму гандлю», большасць складалі сілавікі. Прысутнічалі нават міністры абароны і па надзвычайных сітуацыях.
Аляксандр Лукашэнка ўсё яшчэ сіпіць — напэўна, перанёс цяжкае рэспіраторнае захворванне.
На нараду ў сябе 17 студзеня ён сабраў прэм'ера Рамана Галоўчанку, старшыню Нацбанка Паўла Калаўра, а таксама кіраўніка Рады бяспекі Аляксандра Вальфовіча, міністра абароны Віктара Хрэніна, старшыню КДБ Івана Церцеля і старшыню Вайскова-прамысловага камітэта Дзмітрыя Пантуса. І нават кіраўніка Міністэрства па надзвычайных сітуацыях Вадзіма Сіняўскага.
«Ні для каго не сакрэт, што мы больш за ўсё сёння гандлюем на ўсходнім кірунку», — сказаў ён у той частцы ўступнага слова, якая трапіла на відэа.
Ён гаварыў пра супрацоўніцтва з «дзясяткам» краін Азіі і Афрыкі.
«Нам гэта трэба? Трэба. Зможам мы іх задаволіць? Цяжка сказаць. У нас не такая гіганцкая эканоміка. Але будзем рухацца», — сказаў Лукашэнка.
Мяркуючы па намёках і па складзе ўдзельнікаў: міністры-сілавікі і старшыня Вайскова-прамысловага камітэта, гаворка ішла пра вялікія кантракты для беларускага ВПК — магчыма, сакрэтнага характару або з краінамі, супрацу з якімі не хочуць разгалошваць.
«Размова ішла ў асноўным пра нашу тактыку працы па асобных кірунках нашай замежнаэканамічнай дзейнасці. Ёсць пул краін, і ён немалы, якія зацікаўленыя, як і мы, у супрацы ва ўсіх галінах: ад вайскова-тэхнічнага суцпрацоўніцтва да інвестыцыйнага, банкаўскага і г.д. Многія з іх носяць такі комплексны і стратэгічны характар. Таму тут уцягнутыя ўсе структуры дзяржаўнай улады і кіравання, пачынаючы з сілавікоў і сканчаючы фінансістамі. Таму сёння абмяркоўвалася выстройванне адносін з цэлым шэрагам такіх дзяржаў, нашых партнёраў у афрыканскім, азіяцкім рэгіёнах, — паўнамёкамі патлумачыў пасля нарады прэм'ер-міністр Раман Галоўчанка. — І канкрэтныя практычныя задачы, якія належыць вырашыць і цывільнаму, і сілавому блоку, каб мы атрымалі ад гэтага зразумелы і чаканы эфект».
Цяпер чытаюць
У кадр зноў трапіла, якім памерам шрыфта для Лукашэнкі друкуюць выступы, каб ён бачыў16
Каментары
А вам не кажется, что слишком много стало и в новостной ленте и ОСОБЕННО в иллюстрациях к материалу фотографий Гауляйтера...
если кто-то случайно посетит сайт, то он будет уверен, что попал на официальный сайт лукашенко...
Может надо как-то переосмыслить иллюстративность статей? не?
лично МНЕ его вообще видеть НЕПРИЯТНО...