Аўто

У Беларусі прадаюць шыкоўны Bentley па цане бюджэтніка

Падобна, што для такога аўто — хоць і ва ўзросце — гэта сапраўды нядорага. 

Фота: av.by

На продаж выставілі Bentley Continental Flying Spur. Пад капотам у яго рухавік аб'ёмам 6 літраў з дзвюма турбінамі, які развівае магутнасць у 560 конскіх сіл. З такім маторам гэты 2,5-тонны седан, калі быў новым, разганяўся да сотні за 4,9 секунды. Максімальная хуткасць — 314 км/г. 

Фота: av.by

Заяўлены прабег — 188 тысяч кіламетраў. 

У машыны шыкоўны скураны салон пясочнага колеру. Крэслы маюць не толькі функцыі падагрэву і вентыляцыі, але і масажу. Панэль, тарпеда і дзвярныя карты таксама цалкам абцягнутыя скурай.

У салоне шмат элементаў з дрэва. 

Фота: av.by

Прадавец запэўнівае, што ў машыне ўсе функцыі дагэтуль працуюць. Разам з машынай ідуць два камплекты пакрышак дыяметрам на 19 і 20 цаляў.

Фота: av.by

У 2006 годзе цэны на такія аўто пачыналіся з 165 тысяч даляраў. І калі 19 гадоў таму дазволіць сабе набыць такую машыну маглі толькі вельмі заможныя людзі, то цяпер яна даступная шырокаму колу людзей. 

Фота: av.by

За машыну просяць усяго 14 тысяч даляраў, што параўнальна з цаной на новую «Лада Веста» або пяцігадовы Ford Focus, прывезены з Еўропы. 

Але ахвотным набыць такое аўто варта разумець, што купіць такую машыну і мець магчымасць яе потым утрымліваць — гэта розныя рэчы. 

Рамонт і абслугоўванне падобных машын каштуе непрыстойна шмат, ды і паліва спажывае аўто не мала. 

Фота: av.by

Адметна, што прадавец у апісанні пазначыў, што просіць за свой Bentley на 8 тысяч даляраў менш за рынкавы кошт. У Беларусі ўсяго ў продажы два такіх аўто і за другі просяць 22 тысячы даляраў.

Але падобна да таго, што гэтая машына сапраўды прадаецца за нядорага. На нямецкім modile.de цэны на Bentley Continental Flying Spur пачынаюцца з 18 900 еўра, а на расійскім auto.ru з 1 750 000 расійскіх рублёў, што складае каля 18 тысяч даляраў. 

Фота: av.by

Bentley Continental Flying Spur першага пакалення выпускаўся з 2005 па 2013 год. 

Каментары

Цяпер чытаюць

Раман Пратасевіч асвоіў прафесію бармена і адшукаў працу. Вось у якім бары можна яго знайсці11

Раман Пратасевіч асвоіў прафесію бармена і адшукаў працу. Вось у якім бары можна яго знайсці

Усе навіны →
Усе навіны

Цэны на каву і апельсінавы сок у ЗША ўзляцяць да нябёсаў з-за мытаў5

Па справе Гаюна адбылося ўжо як мінімум шэсць судовых працэсаў

У Беларусі падаражэюць новыя аўтамабілі, а выбар у дылераў стане больш сціплым. Што змяняецца1

«Прыязджаеш без офера — будзе цяжка». Айцішнік-сеньёр працуе ў швейцарскім банку. Вось як да гэтага ішоў7

Загінуў камандзір 155-й брыгады, вайскоўцаў якой абвінавачвалі ў забойствах жыхароў Бучы8

Стала вядома, па якім механізме спісваліся грошы з банкаўскіх картак беларусаў падчас маштабнага збою7

У Мінску прадаецца кватэра з рэальна ўнікальным відам з ванны8

На МТЗ працуюць 142 замежнікі з Бурундзі, Конга, Камеруна, Малі і Нігерыі15

Зноў да +30. Надвор'е на выходныя5

больш чытаных навін
больш лайканых навін

Раман Пратасевіч асвоіў прафесію бармена і адшукаў працу. Вось у якім бары можна яго знайсці11

Раман Пратасевіч асвоіў прафесію бармена і адшукаў працу. Вось у якім бары можна яго знайсці

Галоўнае
Усе навіны →

Заўвага:

 

 

 

 

Закрыць Паведаміць