Рэканструкцыя былога будынка Дома друку ідзе на пр. Незалежнасці, 79. Цяпер там узмацняюць канструкцыі будынка, паведамляе «Мінскбуд».
Па колькасці зваршчыкаў на квадратны метр рэканструкцыі былы будынак Дома друку па пр. Незалежнасці, 79 — у лідарах. Тут адначасова працуюць амаль два дзясяткі зваршчыкаў ААТ «Будтрэст № 1». Ідзе ўзмацненне канструкцый будынка, якому сёлета споўніцца 90 гадоў. Толькі адных калон спецыялістам трэба абшыць металам 120.
Адначасова вядуцца работы па арміраванні і бетанаванні пліт перакрыцця першага паверха, робяць ліфтавую шахту (раней ліфта тут не было).
У падвальнай частцы, дзе канструкцыі ўжо ўмацаваныя, пачынаюць мураваць перагародкі.
У маі будаўнікі плануюць прыступіць да работ на даху. Дах будзе схільным — аблічча гісторыка-культурнай каштоўнасці застанецца нязменным, абяцаюць будаўнікі.
Каментары