На 14 лютага ў судзе Савецкага раёна Гомеля запланаваны суд паводле артыкула 10.9 Кодэкса аб адміністрацыйных правапарушэннях «Парушэнне заканадаўства пра выбары, рэферэндум, рэалізацыю права заканадаўчай ініцыятывы грамадзян». Адміністрацыйную справу завялі супраць гомельца Яўгена Бадракова, заўважыла «Гомельская вясна».
Якія дзеянні Яўгена Бадракова сталі нагодай для пераследу яго паводле гэтага артыкула, пакуль невядома. Магчыма, чалавека пераследуюць за спробу сфатаграфаваць бюлетэнь, вынесці яго з участка ці сапсаваць. Паводле артыкула 10.9 мужчыну пагражае штраф памерам да 15 базавых велічыняў (630 рублёў).
Зусім нядаўна, 29 студзеня, Яўгена Бадракова ў гэтым самым судзе судзілі паводле ч 2 арт. 19.11 КаАП (распаўсюд інфармацыі, занесенай у «рэспубліканскі спіс экстрэмісцкіх матэрыялаў»). Які прысуд яму вынеслі, невядома дагэтуль.
На Гомельшчыне гэта другі вядомы выпадак пераследу за справы, звязаныя з апошняй кампаніяй па пераабранні Лукашэнкі. Першы судовы працэс за падобныя парушэнні адбыўся 3 лютага ў судзе Навабеліцкага раёна Гомеля. Тады па артыкулу 10.9 судзілі жыхара Гомеля Андрэя Цімашэнку.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»5
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары