Наўседа: Канцэнтрацыі расійскага войска каля беларуска-літоўскай мяжы няма і не плануецца
Так прэзідэнт Літвы адказаў Уладзіміру Зяленскаму, піша Delfi.
«Вядома ёсць шмат магчымых сцэнарыяў, магчымых опцый. Аднак хачу вельмі выразна заявіць: у беларуска-літоўскай мяжы ніякай канцэнтрацыі войска няма. Гэтага і не плануецца», — сказаў Наўседа.
Такую заяву прэзідэнт Літвы зрабіў у адказ на словы Зяленскага ў інтэрв'ю The Guardian, што Расія павялічвае склад сваіх ВС на 150 тысяч чалавек і можа атакаваць Польшчу і Літву з тэрыторыі Беларусі.
«Перш за ўсё, неабходна засяродзіцца на тым, што мы павінны зрабіць, таму што правільныя рашэнні прынятыя, нам проста трэба іх рэалізаваць і рэалізаваць своечасова. Усе гэтыя рашэнні, тыя фінансавыя рэсурсы, якія мы намецілі, накіраваныя не на барацьбу, а на тое, каб пазбегнуць любых правакацый у будучыні», — адзначыў палітык.
Цяпер чытаюць
«Я сказаў на відэа, што мяне не катуюць — на той момант гэта было праўдай. А пасля мяне білі дзве гадзіны». Украінскі журналіст два гады правёў у расійскім палоне — вось што ён перажыў1
Каментары