Звесткі Пентагона абвяргаюць заявы Трампа, што ЗША выдзелілі Украіне $350 млрд
На гэтым тыдні прэзідэнт Трамп паўтарыў сваё сцвярджэнне, што Злучаныя Штаты выдаткавалі 350 мільярдаў долараў на вайну ва Украіне. Гэтая лічба значна перавышае суму, зафіксаваную Міністэрствам абароны, піша «Голас Амерыкі».
З пачатку поўнамаштабнага ўварвання Расіі ва Украіну ЗША далі Украіне каля 183 мільярдаў долараў дапамогі, з іх 65,9 мільярда долараў былі выдаткаваныя на ваенную падтрымку Украіны.
Каля 58 мільярдаў долараў са 183 мільярдаў былі патрачаныя ў саміх ЗША.
«Гэтыя сродкі былі накіраваныя непасрэдна на развіццё амерыканскай абароннай прамысловасці або шляхам замены старой зброі, перададзенай Кіеву, на новую зброю амерыканскай вытворчасці, або шляхам прамых інвестыцый у прамысловасць», — піша выданне.
«Голас Амерыкі» звярнуўся да Белага дома з просьбай растлумачыць словы Трампа, у тым ліку прадаставіць любую дакументацыю адносна разыходжання лічбаў.
Белы дом у адказ працытаваў каментар прэзідэнта.
У паведамленні ў сацыяльнай сетцы Truth Social Трамп сказаў: «Умерана паспяховы комік Уладзімір Зяленскі пераканаў Злучаныя Штаты Амерыкі выдаткаваць 350 мільярдаў долараў на нявыйгрышную вайну, якую ніколі не варта было пачынаць, але вайну, якую ён, без ЗША і Трампа, ніколі не зможа ўрэгуляваць».
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА124
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары