Хлопца, які вучыўся па мэтавым накіраванні, звольнілі з працы. Яго каледж судзіўся з працадаўцам
За звальненне маладога спецыяліста працадаўцу цяпер трэба заплаціць, піша прэс-служба пракуратуры.
Хлопец паступіў у Палескі дзяржаўны аграрны каледж у 2018 годзе і адвучыўся па мэтавым накіраванні. Працаваць пасля выпуску ён павінен быў на кампанію «Фрунзэ-Агра».
Але з моманту працаўладкавання аграномам хлопец пратрымаўся на пасадзе 4 месяцы. Далей яго звольнілі па пагадненні бакоў — тэрмін для адпрацоўкі свайго навучання ён не скончыў.
Каледж падаў на кампанію ў Суд Калінкавіцкага раёна. Там вырашылі, што звальняць хлопца было незаконна і патрабавалі «Фрунзэ-Агра» выплаціць 16 тысяч рублёў у абласны бюджэт.
Каментары