Ірландскія песні па-беларуску, майстар клас па ірланскіх танцах, конкурсы з піўнымі прызамі, беларускі паэт як бесшабашнае замежнае свята...
1. У «Новы Тэатр» (вул. Чайкінай 16).Там, 17 і 18 сакавіка, адбудзецца фэст ірландскай музыкі «Ірландскія танцы». Арганізатарам фэсту зрабілася таварыства дружбы «Беларусь-Ірландыя» (зьдзівіцеся: ёсць і такое!). У рамках фэсту гледачоў чакае канцэрт ірландскай музыкі і танца з удзелам беларускіх і ірландскіх гуртоў Ceilidh ceol, Crouse reel, Gloria, Green Hills, Phoenix.
Першы гурт, які трэба чытаць, як «Кейлі Кёл», а перакладаць з гэльскай як «задушэўныя танцы», будзе спяваць ірланскія песні ў беларускіх перакладах.
«Гэта змагарская лірыка, патрыятычныя і паўстанцкія песні, прысвечаныя паўстанню 1798 году», — кажа лідэр гурту Алесь Чумакоў.
17 сакавіка тамсама выступяць танцавальныя ансамблі з Ірландыі.
18 сакавіка зноў жа «Новы тэатр» запрашае вас на спектакль «Каралева прыгажосці», на пастаноўка паводле п'есы ірландскага драматурга Мартына Макдонаха. Падобная меладрама магла адбывацца дзе-хаця, аднак чары ірландскай культуры надаюць пастраноўца адметны шарм. У антракце спектаклю гледачоў будуць вучыць базавым навыкам ірландскіх танцаў.
У дні фэсту «Ірландскія танцы» прыемным дадаткам да шматлікіх выступаў будзе фотавыстава «Вобраз Ірландыі», а яшчэ конкурс прац студэнтаў-дызайнераў Celtic Art. Face-painting (Ірландскае мастацтва. Маляванне на тварах).
У КнігарнюЎгалерэі.Там творчая прастора BYBOOKS і кнігарняЎгалерэі прадстаўляюць вечарыну з Сярожкам Пістончыкам«Дзень сьвятога П.»
Вядома, вы можаце сказаць, што бальшушчы апалагет трасянкі Сірошкі Пістончыка і аўтар кніжачкі камедных прыпавесцяў «Йопыты двух маладых нелюдзяў» - ніякі не ірландзец. І будзеце мець рацыю. Але! Нічым не ўтаймаваныя вяселлем «случаі з жызьні, дзідзікціўныя расказы, кашмарыкі і другія развлікацельныя жанры» можна агучваць менавіта ў дзень Патрыка, таксама свята лёгкай неўраўнаважанасці. Да таго ж, альтэр-эга Сярожкі — Сяргей Прылуцкі (аўтар кнігі вершаў «Дзевяностыя forever» ) некалькі гадоў жыве ў Украіне, што аўтаматычна ператварае яго вечарыну ў своеасаблівае заморскае свята. Пачатак а 19. Адрас кнігарніЎгалерэі: пр. Назалежнасці, 37А.
3. У Jolly Roger Cafe (Талбухіна, 4, 3-ці паверх).Калі быць шчырымі, то ў гэты дзень спецы раяць пасядзець у кавярні і спажываць ірланскае піва. Jolly Roger Cafe (Талбухіна, 4) і арт-група Art-L у рамках праекту «Рок-Геаграфія» прэзентуюць ірландскія пасядзелкі. У праграме: танцавальныя нумары ад школы ірландскага танца «Кельцкі дракон», а таксама ірландская музыка ад знаёмых нам ужл «Кейлі Кёл». Па кавярні будуць гойсаць амаль сапраўдныя лепрыконы (не блыцтаць з «Лепрыконсамі»)... Адбудуцца піўныя конкурсы з піўнымі прызамі і невялічкая лекцыя пра Ірландыю.
Уваход:15.000 тыс., заказ століка — 20.000
4. У Палац дзяцей і моладзі (Старавіленскі тракт, 41).Для тых, каму святкаванняў 17 сакавіка падасца замала, 20 сакавіка запрашаем на Камсамольскае возера ў Палац дзяцей і моладзі. Там адбудзецца 5-ы (!) адкрыты гарадскі фэст ірландскай культуры «Дзень Святога Патрыка».
Праграма:
13-15 — Майстар-класы па ірландскіх танцах (каб. 131)
16 — Канцэрт танцавальных калектываў (Тэатральная зала).
18— Кейлі-вячоркі (Мрамарная зала) з ірланскімі песнямі.
Каментары