Сын экс-хакеіста зборнай Беларусі Алекс Гальчанюк, які са скандалам з'ехаў з ЗША, атрымаў расійскі пашпарт
Ён быў гульцом зборнай ЗША па хакеі.
Сын экс-хакеіста зборнай Беларусі Алекс Гальчанюк атрымаў расійскі пашпарт. Хабараўскія чыноўнікі пракаментавалі гэтую навіну так: «Алекс па духу, па менталітэце наш, рускі хлопец — любіць Расію, Хабараўскі край. Таму можна сказаць, што сёння Аляксандр проста вярнуўся дадому», піша «Спорт Беларусі».
Улетку 2023 года Гальчанюка ў ЗША абвінавацілі ў аварыі, уцёках з месца здарэння, хуліганстве і супраціве арышту — ён пагражаў паліцэйскім са словамі: «Я рускі. Я вас усіх парэжу».
Пасля гэтага клуб НХЛ «Арызона Каётс» скасаваў кантракт з хакеістам, і ён перайшоў у СКА (Санкт-Пецярбург).
Каментары