Свет

На выбарах у Грэнландыі перамагла партыя, якая выступае за саюз з Даніяй

Правацэнтрысцкая партыя Demokraatit атрымала найбольшую колькасць галасоў на парламенцкіх выбарах у Грэнландыі, якія праходзілі на фоне заяў прэзідэнта ЗША Дональда Трампа аб жаданні ўзяць востраў пад кантроль.

Падлік галасоў на выбарах у Грэнландыі, 11 сакавіка 2025 года. Фота: AP Photo / Evgeniy Maloletka

Партыя Demokraatit выступае за захаванне сувязяў з Даніяй і супраць прыспешанага абвяшчэння незалежнасці вострава. Яна набрала 30% галасоў.

На другім месцы з 25% апынулася партыя Naleraq, якая выступае за незалежнасць і ўсталяванне больш цесных сувязяў з ЗША.

Перамога Demokraatit стала нечаканай. Яна сведчыць пра тое, што для многіх у Грэнландыі не менш важнымі з'яўляюцца ахова здароўя, адукацыя, культурная спадчына і іншая сацыяльная палітыка.

Партыя Ataqatigiit, якую ўзначальвае прэм'ер-міністр Грэнландыі Муце Эгедэ, і партыя Siumut, якія складалі ўрад Грэнландыі і дамінавалі ў палітыцы вострава апошнія гады, цяпер занялі трэцяе і чацвёртае месцы адпаведна. Яны сабралі 22 і 15% галасоў.

Яшчэ 7% галасоў атрымала партыя Atassut, якая выступае за саюз з Даніяй, супраць незалежнасці.

Агулам партыі, якія выступаюць за саюз з Даніяй ці незалежнасць у саюзе з Даніяй, сабралі 74% галасоў.

Як вядома, Трамп выказаў перакананне, што Злучаныя Штаты «атрымаюць Грэнландыю так ці інакш». Ён паабяцаў зрабіць грэнландцаў багатымі і падняць востраў «да такіх вышынь, якія вы ніколі не лічылі магчымымі раней».

Прэм'ер Грэнландыі ў адказ заявіў, што прэзідэнт ЗША павінен зразумець, што грэнландцы не хочуць быць амерыканцамі.

Каментары

Цяпер чытаюць

«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга135

«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга

Усе навіны →
Усе навіны

Аўталаўкі ў вёсках могуць змяніць свой выгляд — вось як ФОТЫ8

Мінчанка купіла кілаграм крэветак і амаль палову выкінула ў сметніцу — адны галовы4

Украінскі F-16 збіў расійскі Су-35 дзякуючы дапамозе шведскага самалёта6

Скандал у віп-зале Мінскага вакзала: свецкай журналістцы Бажэне Рынскай забаранілі сесці з нагамі ў крэсле15

Велападарожнік з Пінска паехаў у Смаленскую вобласць — і ў яго там скралі веласіпед4

Вучоныя даказалі эфектыўнасць вывучэння мовы падобна немаўлятам1

Дзяўчына зняла на відэа кампосцер у аўтобусе Брэста. У каментарах гарачая спрэчка — з-за мінчукоў12

Чалы прааналізаваў дэталі ўкраінскай аперацыі «Павуцінне» і прыйшоў да нечаканай высновы15

Трамп накіроўвае Нацгвардыю ў Лос-Анджэлесе, дзе ідуць пратэсты супраць палявання на мігрантаў20

больш чытаных навін
больш лайканых навін

«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга135

«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга

Галоўнае
Усе навіны →

Заўвага:

 

 

 

 

Закрыць Паведаміць