Па Мінску ўжо ездзяць першыя «васьмёркі». Усе самыя «прыгожыя» камбінацыі нумароў у ДАІ ўжо разабралі
У пачатку гэтага года ў Мінску пачалі выдаваць рэгістрацыйныя нумары серыі XX. Стала зразумела: літары ў «рэгістрацыйным» алфавіце заканчваюцца, трэба нешта прыдумваць.
ДАІ доўга трымаць інтрыгу не стала: неўзабаве абвясцілі, што з сакавіка ў сталіцы пачнуць выдаваць нумары з васьмёркамі на канцы, піша Onliner.by.
Тыя, хто марыў пра «прыгожыя» рэгістрацыйныя нумары, адразу напружыліся: самыя «блатныя» камбінацыі з сямёркамі ўжо даўно разышліся, і часта аўтааматары прадавалі іх «з рук» напаўафіцыйна за высокія цэны.
Зараз жа з’явіўся шанец атрымаць рэгістрацыйны знак, які падкрэсліць вашу індывідуальнасць, па афіцыйных тарыфах ДАІ (за 2520 рублёў, калі дакладна).
Здаецца, ажыятаж быў сур’ёзны. Чытачы паведамляюць: усе самыя прыгожыя камбінацыі ўжо разабраныя.
Вось такі шыкоўны нумар «ухапіў» адміністратар іnstagram-акаўнта @avtonomer.by (старонка прысвечана рэдкім і прыгожым аўтанумарам).
Здаецца, гэта самая эстэтычная камбінацыя з васьмёркай на канцы, якая магла быць. Натуральна, журналісты не маглі не спытаць, колькі людзей давялося расштурхаць локцямі ў бітве за такія рэгістрацыйныя нумары.
— Штодзённыя дзяжурствы — і ніякіх сувязяў, — такі рэцэпт поспеху падзяліўся суразмоўца. — Планую ездзіць з гэтымі нумарамі ці перапрадаваць? Пакуль не вырашыў.
«Паводле маёй інфармацыі, камбінацыі, у якіх пяць васьмёрак, скончыліся за дзень. Мае знаёмыя ездзілі ў ДАІ пасля мяне, казалі, што нічога ўжо не было. Больш за тое, па іх словах, камбінацыі 0001, 8888 і 0008 таксама ўжо разабраныя», — сказаў ён.
Журналісты паспрабавалі праверыць інфармацыю пра тое, што ўсе «блатныя» камбінацыі ў ДАІ скончыліся. Аднак звязацца з афіцыйнымі прадстаўнікамі ведамства не ўдалося.
Таксама журналісты тэлефанавалі ў некалькі міжраённых аддзяленняў рэгістрацыі. У пунктах, размешчаных на аўтарынку ў Малінаўцы і ў ТЦ «Першы нацыянальны гандлёвы дом», адказалі: каб замовіць нумар па індывідуальнай заяве, трэба асабіста трапіць на прыём да начальніка пункта рэгістрацыі МРА ДАІ ў Ждановічах (г.зн. на вул. Ціміразева, 114) або ж у «Аўтамол «Кальцо» (Мянкоўскі тракт, 2).
Інфармацыю пра тое, якія камбінацыі яшчэ даступныя, па тэлефоне паведаміць не змаглі.
Цяпер чытаюць
Лукашэнка сустрэўся са спецпасланнікам Трампа Кітам Келагам12
Каментары
— MI... [Рэд. выдалена]
— MI5 или MI6?
— MI-7 или MI-8, точно не знаю.
[Зрэдагавана]