Pa Minsku ŭžo jeździać pieršyja «vaśmiorki». Usie samyja «pryhožyja» kambinacyi numaroŭ u DAI ŭžo razabrali
U pačatku hetaha hoda ŭ Minsku pačali vydavać rehistracyjnyja numary sieryi XX. Stała zrazumieła: litary ŭ «rehistracyjnym» ałfavicie zakančvajucca, treba niešta prydumvać.
DAI doŭha trymać intryhu nie stała: nieŭzabavie abviaścili, što z sakavika ŭ stalicy pačnuć vydavać numary z vaśmiorkami na kancy, piša Onliner.by.
Tyja, chto maryŭ pra «pryhožyja» rehistracyjnyja numary, adrazu napružylisia: samyja «błatnyja» kambinacyi ź siamiorkami ŭžo daŭno razyšlisia, i časta aŭtaamatary pradavali ich «z ruk» napaŭaficyjna za vysokija ceny.
Zaraz ža źjaviŭsia šaniec atrymać rehistracyjny znak, jaki padkreślić vašu indyvidualnaść, pa aficyjnych taryfach DAI (za 2520 rubloŭ, kali dakładna).
Zdajecca, ažyjataž byŭ surjozny. Čytačy paviedamlajuć: usie samyja pryhožyja kambinacyi ŭžo razabranyja.
Voś taki šykoŭny numar «uchapiŭ» administratar instagram-akaŭnta @avtonomer.by (staronka pryśviečana redkim i pryhožym aŭtanumaram).
Zdajecca, heta samaja estetyčnaja kambinacyja z vaśmiorkaj na kancy, jakaja mahła być. Naturalna, žurnalisty nie mahli nie spytać, kolki ludziej daviałosia rasšturchać łokciami ŭ bitvie za takija rehistracyjnyja numary.
— Štodzionnyja dziažurstvy — i nijakich suviaziaŭ, — taki recept pośpiechu padzialiŭsia surazmoŭca. — Płanuju jeździć z hetymi numarami ci pierapradavać? Pakul nie vyrašyŭ.
«Pavodle majoj infarmacyi, kambinacyi, u jakich piać vaśmiorak, skončylisia za dzień. Maje znajomyja jeździli ŭ DAI paśla mianie, kazali, što ničoha ŭžo nie było. Bolš za toje, pa ich słovach, kambinacyi 0001, 8888 i 0008 taksama ŭžo razabranyja», — skazaŭ jon.
Žurnalisty pasprabavali pravieryć infarmacyju pra toje, što ŭsie «błatnyja» kambinacyi ŭ DAI skončylisia. Adnak źviazacca z aficyjnymi pradstaŭnikami viedamstva nie ŭdałosia.
Taksama žurnalisty telefanavali ŭ niekalki mižrajonnych adździaleńniaŭ rehistracyi. U punktach, raźmieščanych na aŭtarynku ŭ Malinaŭcy i ŭ TC «Pieršy nacyjanalny handlovy dom», adkazali: kab zamović numar pa indyvidualnaj zajavie, treba asabista trapić na pryjom da načalnika punkta rehistracyi MRA DAI ŭ Ždanovičach (h.zn. na vuł. Cimirazieva, 114) abo ž u «Aŭtamoł «Kalco» (Miankoŭski trakt, 2).
Infarmacyju pra toje, jakija kambinacyi jašče dastupnyja, pa telefonie paviedamić nie zmahli.
Ciapier čytajuć
Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy11
Kamientary
— MI... [Red. vydalena]
— MI5 ili MI6?
— MI-7 ili MI-8, točno nie znaju.
[Zredahavana]